Dýbaıda ótken "boks keshinde" Qazaqstandyq boksshy Sultan Záýirbek qytaılyq Chenhon Taony nokaýtpen jeńdi dep habarlaıdy Qamshy.kz aqparat agenttigi Prosports.kz. saıtyna silteme jasap.

Qazaqstandyq jeńil salmaqty Sultan Záýirbek Sultan qytaılyq boksshyny besinshi raýndta nokaýtqa jiberip, jekpe-jek qazaqstandyq sportshynyń  jeńisimen aıaqtaldy.

Jekpe-jek alty raýndqa josparlanǵan. Alaıda, besinshi raýndta Tao qatty soqqydan eseńgirep, qulap, jekpe-jekti ary qaraı jalǵastyra almaıtyny belgili bolǵandyqtan, jekpe-jekti toqtatýǵa týra keldi. 

Eske sala ketsek, munyń aldynda dál osy "boks keshinde" Qazaqstandyq boksshy Abylaıhan Shegalıev te qarsylasyn nokaýtqa jiberip, jeńiske jetken bolatyn. 

Usynǵan: Maqpal Sembaı