Japonıada ǵylymǵa bólinetin qarjy Jalpy ulttyq ónimniń 3 paıyzyn quraıdy. Bul damyǵan elderdiń arasyndaǵy eń joǵary kórsetkish. Dúnıejúzi boıynsha ǵylymdy qoldaý jóninen Japonıa birinshi oryndy eshkimge bermeı keledi. Bul elde 800 myńdaı ǵalym bar. Patent ıeleriniń sany jóninen de Japonıa jetekshi orynda. Ǵylymı jáne óndiristik jańalyqtary úshin bul memlekettiń ǵalymdary 300 myńnan astam patent alǵan. Ǵylymǵa quıylatyn ınvestısıa kólemi jóninen aldyńǵy orynda turǵan Japonıanyń joǵary oqý oryndary óndiris oshaqtarymen tyǵyz baılanys ornatqan. Ár ýnıversıtette ǵylymı-zertteý ortalyqtary ashylǵan. Tipti tehnıkanyń ozyq úlgilerine qatysty jobalar JOO arqyly júzege asady. Máselen, Tokıonyń tehnologıalyq ýnıversıteti janyndaǵy ǵylymı ortalyq jańa zamandyq robottarymen tanymal. Japon ǵalymdary shet elge jıi-jıi shyǵyp, dárister oqyp, tájirıbesimen bólisip turady. Bul elde gýmanıtarlyq saladan góri jaratylystaný, tehnıkalyq ǵylymdar keń qulash jaıǵan.

Sharafat Jylqybaeva