El prezıdenti Qasym-Jomart Toqaev Almaty qalasy ákimi Baýyrjan Baıbektiń "Kók-Jaılaý" jobasyna qatysty málimdemesine pikir bildirdi dep habarlaıdy Qamshy.kz aqparat agenttigi. 

Memleket basshysynyń aıtýynsha,  mańyzdy máselede asyǵystyq tanytýǵa bolmaıdy.

«Almaty qalasynyń ákimi B.Baıbek sarapshylardyń baǵalaýy men qala turǵyndarynyń pikirin zerttep, zerdeleý úshin "Kók Jaılaý" taý-shańǵy kýrortynyń jobasyn keıinge shegerýdi usyndy. Meniń usynysym boıynsha qabyldanǵan bul sheshimdi qoldaımyn. Mundaı mańyzdy máselede asyǵystyq tanytýǵa bolmaıdy», - dep jazdy Toqaev Twitter-degi paraqshasynda.

Aıta keteıik, búgin Baýyrjan Baıbek qoǵamdyq keńestiń otyrysy barysynda «Kók-Jaılaý» jobasyn keıinge qaldyrý týraly sheshim qabyldaǵan. Jobany túbegeıli qarastyryp, halyq oıyn da esepke alý kerektigin málimdegen edi. 

Baýyrjan Baıbek "Kók Jaılaý" jobasyn keıinge qaldyrdy

Usynǵan: Gúlim Jaqan