QR Prezıdenti Qasym-Jomart Toqaev ártúrli kózqarasty saraptaı otyryp, ábden oılanǵan soń ǵana saılaý týraly sheshim shyǵardy.

Prezıdent aldymen Elbasymen aqyldasty. Parlament Palatasy jetekshilerimen, Premer-Mınıstrmen jáne Konstıtýsıalyq Keńestiń Tóraǵasymen keńesti. Negizgi saıası partıalardyń jetekshilerimen jolyqty.

Osylaısha kezekten tys saılaý ótkizý jaıly sheshim qoǵam suranysyn saralaýmen qatar tıisti ótinishterdiń nazarǵa alynýymen barlyq saıası talapqa saı qabyldandy. Iaǵnı mańyzdy máselelerdiń barlyq qoǵamdyq saıası jaqtary eskerildi.

Sondyqtan da saılaý ótkizý týraly sheshim elimizdegi basty qoǵamdyq saıası kúshterdiń ortaq mámilesinen týyndap otyr.

Saılaý barlyq máselege núkte qoıyp, tranzıttik úderisti aıaqtaıdy.

Sońǵy kezderi «Bizdi ne kútip tur?», «Ary qaraı ne bolady?» degen syńaıdaǵy ártúrli áńgimeniń órbigeni jasyryn emes. Mine, Prezıdent ótkizilip jatqan reformalarǵa kesiri tımes úshin osyndaı áńgimeler men pikirtalastarǵa núkte qoıdy.

Osylaısha ekiudaıylyq kúıden attap ótýge saılaý múmkindik beredi. Memleket basshysy «Prezıdent halyq qalaýy boıynsha saılanady» dep astyn syzyp turyp beker aıtqan joq. Úndeýindegi negizgi sóz de osy.

Erlan Qarın, QR Prezıdentiniń keńesshisi