1945 jyly Japonıanyń eki qalasyna – Hırosıma men Nagasakıge atom bombasy tastalǵanyn bilemiz. Qos shahardyń kúlin kókke ushyrǵan zobalańnyń janynda júrip te aman qalýǵa bolady eken. Oǵan dálel – Sýtomý Iamagýtıdiń taǵdyry.

Ekinshi dúnıejúzilik soǵys kezinde Sýtomý Iamagýtıdiń eki atom bombasynyń jarylysyn bastan keshkeni resmı túrde anyqtalǵan.

1945 jyldyń 6-tamyzynda Sýtomý jumysta bolǵan. Dál osy kúni Hırosıma qalasyna ıadrolyq bomba tastaldy. Al Sýtomýdyń jumysy bomba túsken jerden úsh shaqyrym jerde edi. Ol jarylys saldarynan kúıikke shalynyp, aýrýhanaǵa jetkiziledi. Biraq ol aýrýhanaǵa uzaq turaqtamaı, Nagasakı qalasyndaǵy úıine poıyzben tartady.

Úıine asyqqan jigitti aldynan taǵy da bir jarylys kútip tur edi. Ol – 1945 jyldyń 9-tamyzyndaǵy Nagasakı qalasyn bombalaý. Japon jigittiń kórer jaryǵy bolyp, taǵy da aman qalady.

Atom bombasynyń zardabyn tartqan Sýtomý men onyń áıelinen 1950 jyldardyń basynda eki qyz týǵan. Sodan keıin ol Mitsubishi kompanıasyndaǵy jumysyna qaıta oralyp, munaı tankerleriniń jobasymen aınalysady.

1957 jyly japon bıligi Iamagýchıdiń tek Nagasakı jarylysynda ǵana bolǵanyn málimdeıdi. Bul málimdemelerdiń Sýtomý úshin mańyzy joq edi. Oǵan otbasynyń, óziniń amandyǵy jetkilikti edi.

Iamagýchı 2010 jyly 93 jasynda baýyr obyrynan qaıtys boldy.