Kásip salasynda túrli oqıǵalar oryn alatyny týraly faktilerge barlyǵymyz qanyqpyz. Búgingi taqyrypty tarqatý barysynda biz sizge ataqty kásipkerlerdiń keńesterin usynbaqpyz. Endeshe ári qaraı paraqtańyz.
Sarapshylardyń óz tájirıbesinen alynǵan keńesteri
«Agenttik ókilderi barlyǵyn tekseredi dep úmittenedi»
«Usynylǵan kásipke qatysty jaýapkershiliktiń barlyǵy qujattar tolyq rásimdelip bitkenshe, satýshy taraptyń moıynynda bolady. Óıtkeni, ol qujattarǵa qos taraptan qol qoıylmaıynsha onyń aktıvteri bolyp eseptelmek. Al agenttik saýdanyń qaýipsiz jáne tolyqqandy ótýin ǵana qamtamasyz etedi.
Al usynylǵan aktıvti tekserý neese teksermeý – satyp alýshynyń jumysy. Degenmen, agenttik ókilderi saýda-sattyq barysynda ózindik saraptaý sharalaryn júrgizedi. Bul – olardyń jumysy.
Sondyqtan, aktıvterdi satyp alý barysynda barlyq qujattardy muqıat teksergen artyq etpeıdi».
«Pervyı broker» kompanıasynyń satý bóliminiń basshysy Aleksandr Medvedov.
«Satyp alýshy usynylǵan fırmany jeke tekserýden (FNS saıtynda, Rosstat, FSSP) ótkizýge tolyq quqyly. Sizderge satyp alǵaly jatqan nysandy tekserýden ótkizip alýǵa keńes beremin. Óıtkeni, qazirgi ýaqytta jóndeý jumystarynan, ulǵaıtý sharalarynan, syryp tastaýdan qashqan egeleri belsendi túrde satýda».
«Bıs-Broker» kompanıasynyń bas dırektory Denıs Melamed.
«Ózimniń tájirıbemnen sátsiz shyqqan mysaldar keltireıin. Kásipker jumys jasap turǵan avtoservıs pen jer telimin jáne ǵımaratty satyp alady. Arada tórt aı ótken kezde elektr jelisi dál osy nysan turǵan jerden ótkiziletini aıtylyp, onyń ústinde eshqandaı ǵımarat turmaýy kerektigin eskertedi.
Satyp alýshy osy sebeptermen óz bıznesin, satyp alǵan aqshasyn qurdymǵa jiberdi. Sondaı-aq, onyń kásibiniń baǵasy da kúrt tómendedi.
Erterek tekserý týraly osyndaı jaǵdaı oryn almasy úshin kóp aıtamyn».
«Áltera Invest» kompanıasynyń negizin qalaýshy Maksım Novıskıı.
Aralas ári aýqymdy kásipti satyp alý týraly
«Aralasqan ári kópfýnksıaly kásipti satyp alýmen aınalyspańyz. Onyń esesine bir jerden basqarylatyn ári bir taýarǵa negizdelgen aktıvtermen jumys jasańyz. Bul qadam ózińizge áldeqaıda túsinikti ári qolaıly.
Bıznesti sońǵy aqshańyzǵa jáne nesıege satyp alýdan aýlaq bolýǵa keńes beremin. Nesıe alýǵa kómek bermek bolǵan satýshylardan abaı bolyńyz. Kásip júrip ketpeýi múmkin, al bank sizden nesıe qaıtarymyn qalaı da talap etedi.
Daǵdarysqa ushyrasańyz da qaltańyzǵa kúsh túsirmeıtin bos kapıtaldy tańdańyz».
Kawaii Factory jáne Monoroom kompanıasynyń úleskeri Iýlıa Peskova.
Emosıaǵa jol bermeý kerek
«Kásipker áıel komersıalyq jyljymaıtyn múlik baǵytynda jaqsy jumys jasap kele jatqan. Ol jerde túsim kólemi de úlken kásipkerlermen qarym-qatynas ta óte jaqsy deńgeıde edi. Kásipker áıel bosanǵannan keıin alabóten dúnıemen aınalysqysy kelip, «Áltera Invest» kompanıasynyń qyzmetine júgindi.
Biz oǵan jaqsy fotostýdıo tańdap berdik. Biraq kásipker áıel jumys jasaı bastaǵannan-aq onyń eki nársege kóńili tolmady: birinshisi 3000 rúbl kólemindegi ortasha túsim jáne tutynýshylardyń ózderi.
Fotomodelderdiń júrisi, túsimniń azdyǵy, talǵampaz tutynýshylar áıeldiń ashýyn týǵyzdy. Sońynda ol fotostýdıony satýǵa da talpynys jasamaı, jaýy tastady».
«Áltera Invest» kompanıasynyń negizin qalaýshy Maksım Novıskıı.
Syrtqy faktorlarǵa kóńil bólmeý týraly
«Usynylyp otyrǵan kásiptiń srytqy faktorlaryna da kóńil aýdaryńyz. Mysaly, ornalasqan jeri, halyq tyǵyzdyǵy, belsendiligi degen sekildi. Sizdiń negizgi maqsatyńyz satyp alynǵan kásipten paıda túsirý ekendigin umytpańyz.
Men tigin óndirisimdi Qytaıdan Reseıge kıim jetkizetin kásipke aıyrbastaǵym keldi. Óıtkeni, keden men jetkizý tym uzaq ýaqyt alatyn. Biraq bul oıym júzege aspady. Óıtkeni, Reseıdegi shıkizat bazasy barlyǵyna birdeı qoljetimdi emes. Osy sebepti óndiris jumysy toqtap qala beredi. Sonymen qatar, jergilikti qoımalardyń senimsizdigi jáne seriktesterdiń turaqsyzdyǵy da kedergiler qatarynda. Kásipti satýǵa týra keldi».
Kawaii Factory jáne Monoroom kompanıasynyń úleskeri Iýlıa Peskova.
Barlyq aktıvterdi satpaıdy
«Sizge ǵımaratty ǵana emes, barlyq bıznesti satqanyn qadaǵalańyz. Kelisimshartta arenda quqyǵy, materıaldyq, materıaldyq emes aktıvteri, tutynýshylar bazasy, áleýmettik jelilerdiń logınderi men parólderiniń jazylǵanyn qadaǵalańyz.
Tájirıbemnen. Bir adam habarlasyp, 1 mıllıon rúblge qolma-qol taksı jelisiniń dıspecherlik qyzmetin satyp alǵanyn aıtty. Aqyrynda, ofıs, dıspecher, telefon nómiri, tutynýshylar bazasy men júrgizýshilerdiń orynyna oǵan saıt qana buıyrǵan.
Men odan «Kelisimshart qujattary bar ma?» dep suradym. Ol tek aqashyn alǵany týraly qolhatyn ǵana alǵan eken. Eger qujattar bolmasa zań turǵysynan da ol satyp alǵanyn dáleldeı almaıdy. Sotqa barýdyń da eshbir máni joq».
«Bıs-Broker» kompanıasynyń bas dırektory Denıs Melamed.
Biz sarapshylar men kásipkerlerdiń birqatar keńesteri men mysaldaryn sizge usyndyq. Olardyń keńesterinen satý-satyp alý barysynda qandaı máselelerge muqıat bolý kerektigin, qujattardyń qanshalyqty mańyzdy ról oınaıtyndyǵyn, ǵımarat pen aktıvterdiń aıyrmashylyǵyn baıqaýǵa bolady.
Satý nemese satyp alý barysynda óte muqıat bolyńyz. Óıtkeni, sizdiń qolyńyzdaǵy jumsalatyn qarajat – mańdaı terińizdiń jemisi.
