Álemdegi eń úlken ushaq alǵash ret áýe jolyna kóterildi dep habarlaıdy Qamshy.kz aqparat agenttigi BBC agenttigine silteme jasap.

Alty qozǵaltqyshy, eki fúzelájy bar alyp ushaq AQSH-tyń Kalıfornıa shtatyndaǵy Mohave shólinde  synaq retinde alǵash ret ushyryldy.

Bul - álemdegi eń úlken ushaq. Ushaqtyń qurylysyna toqtalatyn bolsaq, Microsoft kompanıasyn qurýshylardyń biri ushaqty sonaý 2011 jyly orbıtaǵa jer serikterin jetkizetin ushaq retinde oılap tapqan eken. Stratolaunch Systems Model 351 ushaǵynyń qanatynyń uzyndyǵy, shamamen, 117 metr, áýe kemesiniń uzyndyǵy 53 metr, bıiktigi - 15 metr. Eń joǵary ushý salmaǵy 590 tonna shamasynda, ushaqtyń taza óz salmaǵy - 226 tonna.

Stratolaunch orbıtaǵa ǵarysh appparataryn jetkizýge arnalǵan. Tasyǵysh zymyran eki fúzeláj arasyndaǵy orynǵa bekitiledi. Buǵan deıin áýege kóterilgen álemniń eń aýyr ushaǵy An-225 «Mrıa» bolatyn. Ol 200 tonna júk alyp ushýǵa múmkindigi boldy. Ushaq 1988 jyly 21 jeltoqsanda alǵash ret áýege kóterildi. Stratolaunch ushaǵy Mohave shólinde qurastyryldy. 2017 jyly mamyr aıynda ushaqty jerde synaý úshin alǵash ret angardan shyǵardy. Eki jarym saǵatqa sozylǵan alǵashqy ushý barysynda, alyp ushaq saǵatyna 304 shaqyrym jyldamdyqpen bes shaqyrym bıiktikke kóterildi. .

Usynǵan: Maqpal Sembaı