Jaqynda OQO-da shyǵatyn "Janýbıı Qozoǵıston" atty jergilikti ózbek dıasporasynyń merzimdik gazetinde qazaqtyń batyr uly, jeńimpaz KSRO týyn Reıhstagqa tikken - Raqymjan Qoshqarbaev týraly daýly maqala jaryq kórdi. Atalmysh gazette maqala avtorlary Raqymjan Qoshqarbaevtyń ultyn - "ózbek" dep kórsetken. Bul týraly "Qamshy" portaly
Today.kz-ke silteme jasaı otyryp habarlaıdy. Mundaı shyndyqqa esh janaspaıtyn, san jyldyq tarıqty burmalaýdy kózdegen maqala qazaq qoǵamynda rezonans týdyratyny sózsiz. N.Mavlanova esimdi jýrnalıs Jeńistiń 70-jyldyǵy qarsańynda «Davr Qahramonı ekı mamlakat boılıgı» atty maqalasyn jarıalaǵan. Onda qaharmannyń shyn esimi - Rahımjon Kýchkorboev dep aıtady. Sondaı-aq, maqalada soǵys ardageri, Qazyǵurt aýdanynyń turǵyny Turǵyn Kenenbaev esimdi qarıa óziniń Qoshqarbaevpen tanystyǵy týraly baıandaǵan. "Men Berlınge deıin jetken adammyn. Onda shyqqan tegi qazaqstandyq "ózbek" azamaty Rahımjon Kýchkorboev úsh qabatty ǵımarattyń shatyryna keńes týyn tikkenin óz kózimmen kórdim"-deıdi mys. Janıbek Tarhan, jýrnalıs: - Tarıhı tulǵalarǵa, handarǵa, batyrlarǵa, bılerge, uly tulǵalarǵa qatysty tarıhı shyndyqty burmalaý tipti uıat másele. Atalmysh maqalanyń avtory halyq aldynda keshirim surap, óziniń jazǵan materıalyndaǵy derekterdiń jalǵandyǵyn moıyndaýy tıis. Reıhstagqa tý tikken Raqymjan Qoshqarbaev 70 jyl qazaqtyń maqtanyshy bolyp kelgen. Qala beredi de. Al myna maqalany oqyp,shok bolyp otyrmyz. Bul masqara ǵoı. Bizdiń ult úshin masqara. Kezinde general Sabyr Raqymovqa qatysty Ózbekstan bıligi batyrdyń ulti "ózbek" dep burmalady. Ýaqyt óte kele Raqymovtyń shyn mánindegi ulty anyqtaldy. Ol uly qazaqtyń oǵlany edi. Mine, Sabyr Raqymovtyń Ózbekstandaǵy eskertkishi bir-aq kúnniń ishinde qıratyldy. Menińshe, Qoshqarbaevtyń ultyn "ózbek" dep júrgenderge qatysty qazaq ıntelıgensıasy únsiz qalmaýy tıis. Raqymjan Qoshqarbaev - Aqmola oblysynda týǵan. Ulty qazaq. Sovet ofıseri, Ekinshi dúnıejúzilik soǵys qatysýshysy. 1945 jyly 30-sáýir kúni qyzyl ásker jaýyngeri Grıgorıı Býlatovpen birge Reıhstagqa jeńis týyn tikken bolatyn.
Nurzat Toǵjan
