Qazan-tirshiliginen qazaqylyǵy tamyp turatyn Ońtústik Qazaqstan oblysynda tqarylyp jatqan ıgi sharalar az emes. Elbasy Nursultan Ábishulynyń syndarly saıasatyn oryndaýda OQO kósh bastaýshylardyń qatarynda. Solardyń ishinde mektep jasyna tolmaǵan búldirshinderdi balabaqshamen qamtamasyz etý Elbasy aıqyndap bergen tapsyrmalardyń eń bastysy ekeni túsinikti. Sonymen qatar, Qazaqstandaǵy árbir besinshi sábı ońtústik óńirinde dúnıe esigin ashatyny da belgili. Máselen, sońǵy tórt jyl ishinde oblys aýmaǵynda úsh júz myńnan astam nárestedúnıege kelgen. Osyny eskere kele oblys basshylary balǵyndardy balabaqshamen qamtý sharalary júıeli túrde júrgizilip jatqanyn baıandady. Jalpy, ótken jyly oblysta 160 mektepke deıingi uıym ashylyp, onda 15 myńnan astam búldirshin qamtylsa, 1 maýsym balalar kúni qarsańynda OQO basshylary taǵy bir qýanyshty jańalyqtarymen bólisti. Oútústiktegi búldirshinderdiń 70 paıyzdan astamy balabaqshamen qamtylǵan. Bul týraly OQO ákiminiń baspasóz qyzmeti habarlaıdy. Sondaı-aq ońtústiktegi oń qadamdar reti tómendegideı bolǵan.
- Ońtústik Qazaqstan oblysynda mektepke deıingi uıymdar sany 1500-ge jýyqtaǵan. Nátıjesinde 154 myńnan astam bala balabaqshamen qamtylǵan.
- OQO-da mektep jasyna deıingi balabaqshamen qamtý kórsetkishi 76,9 paıyzǵa jetken.
- Oblys kóleminde 637 jekemenshik mektepke deıinge uıymdar jumys isteýde.
- Joǵaryda aıtylǵan mekemelerde 60 myńǵa jýyq búldirshin tárbıelenýde.
- Jyl sońyna deıin mektepke deıingi jańa 95 uıym ashylmaq. Jańa balabaqshalar 12 myń orynǵa josparlanǵan. Iaǵnı, OQO-daǵy búldirshinderdi balabaqshamen qamtamasyz etý kórsetkishti - 80 paıyzǵa jetkizý kózdelip otyr.
