«Qamshy» aqparattyq portaly men Ugai prodússerlik ortalyǵy usynady

Baıqaýdyń maqsaty:

Tunyǵy laılanǵan búgingi qazaq áýenine tyń serpin berý. Shyn talanttardy suryptap, qazaq rýhanıatynyń tórine shyǵarý.

Qatysý sharttary:

1. Qazaq ánin shyrqaıtyn kez kelgen adam qatysa alady(ultyna, memleketine, násiline, jasyna, jynysyna shekteý qoıylmaıdy).
2. Qatysýshy baıqaýǵa usynatyn ánin jandy daýysta oryndap, vıdeonusqada «Qamshy» portalynyń el.poshta, vasap, vıchat, feısbýk.... paraqshalaryna joldaıdy(Vıdeo sapasyna talap qoıylmaıdy. Oryndaýshynyń beınesi men daýysy anyq estilýi qatysýshynyń ózine tıimdi).
3. Baıqaýǵa qatysýshy sýreti men ózi týraly shaǵyn málimetti qosa jiberýi tıis(el.poshta, telefon...).
4. Qatysýshy baıqaýǵa usynatyn ánin oryndaýdyń aldynda myna sózderdi aıtýy mindetti: «Qamshy» portaly usynǵan arnaıy «Qazaq daýysy» jobasy úshin men(biz)   aty-jóni ánniń aty(málimet) – yn oryndaımyn(-yz). Qabyl alyńyzdar. Eger sizderge unap jatsa, osy vıdeoǵa daýys berip, pikir qaldyrýlaryńyzdy suraımyn.

İrikteý:

1. Júldegerler tyńdarmannan jınaǵan daýys sany men arnaıy ádil-qazylar arqyly anyqtalady. (Tyńdarman daýysy – 50 paıyz, ádil-qazylar(5 adam) – 50 paıyz).
2. Youtube beti kórinbeıtin memleketter úshin ánniń mp3 nusqasy qosa júkteledi.
3. Baıqaý 6-aıǵa jalǵasady.

İ týr. Baıqaýǵa qatysýshylar usynǵan vıdeo(ózi qalaǵan ánin oryndaıdy) 25 maýsymnan bastap jarıalanyp, 25 shildede aıaqtalady. İİ týrǵa ótýshiler qortyndysy 1 tamyzda jarıalanady.

İİ týr. İİ týrǵa ótkender mindetti túrde qazaqtyń halyq áni men halyq kompozıtorlarynyń shyǵarmasyn(Birjan sal, Aqan seri...) oryndap, vıdeonusqasyn qaıta jiberýi tıis. Ol 5 tamyzdan 25 tamyz aralyǵynda jarıalanady. İİİ týrǵa ótýshiler qortyndysy 1 qyrkúıekte belgili bolady.

İİİ týr. İİİ týrǵa ótýshiler ádil-qazylar usynǵan óner týyndysyn oryndaýy shart. 5 adamnan quralǵan ádil-qazylar alqasy ózderi daýys bergen qatysýshylarǵa án usynady. Vıdeo 5 qyrkúıekten 25 qyrkúıek aralyǵynda qabyldanady. Sońǵy týrǵa ótýshiler qortyndysy 1 qazanda belgili bolady.

Qortyndy. Jeńimpaz bolǵan 11 qatysýshy 5 qazannan 25 qazanǵa deıin óziniń eń súıikti ánin jáne ádil-qazylar usynǵan bir ándi(barlyǵy bir ándi shyrqaıdy) joldaıdy. Qortyndy 1 qarashada jarıalanady.

Bas júlde - mıllıon teńge jáne baǵaly syılyqtar.

Alǵashqy 10 jeńimpaz – aqshalaı jáne baǵaly syılyqtar. Sondaı-aq, Qazaqstan estrada juldyzdarynyń qatysýymen

Almatyda ótetin gala-konsertte óner kórsetý múmkindigi.

Bastalý merzimi: vıdeo qabyldaý búginnen bastalyp, 25 shildede aıaqtalady. Al saıtqa jarıalaý 2015 jyl 25 maýsymnan bastalady. Iaǵnı «Qazaq daýysy» jobasyna qatysýshylardyń usynymdary búginnen bastap 25 shildege deıin jalǵasady. Odan ári jańa vıdeo qabyldanbaıdy. Vıdeony erterek usyný – qatysýshynyń daýys jınaýyna oń áser etedi.

Qazylar alqasy:

Ramazan Stamǵazıev

Erkin Shúkiman

Altynaı Jorabaeva

Móldir Áýelbekova

Ushqyn Jamalbek (Alashuly)

Aqparattyq seriktester:

31 telearna, abai.kz, alashainasy.kz, xalhar.net, senkazakh.com, "Juldyzdar otbasy" jýrnaly(kún saıyn tolyǵyp otyrady)...

(Baıqaýdyń deńgeıin kóteretin usynystar bolyp jatsa, baıqaý sharttaryna ishinara ózgerister qosylýy múmkin.)

E-mail: qamshy@gmail.com, qazaqdauysy@163.com

Vasap: 8-777-843-11-95

Vıchat: qazaqdauysy

QQ: 948705083

VK: http://vk.com/qamshy2

Instagram: qazaqdauysy

Facebook: http://www.facebook.com/qamshy

Tel: 8-727-273-33-14