1 maýsym – Dúnıejúzilik balalardy qorǵaý kúnine arnalǵan qaıyrymdylyq aksıasy

«Ana men bala» jýrnaly – Qazaqstan Respýblıkasy boıynsha taralatyn, januıaǵa,  ana men balany qorǵaýdy nasıhattaýǵa, ulttyq qundylyqtardy dáripteýge arnalǵan, elimizdiń basty strategıalyq baǵyttaryn qolǵa alǵan, tuńǵysh biregeı otbasylyq tanymdyq jýrnal.

Jýrnal ujymy «TýrMedıa» medısınalyq agenttiginiń demeýshiligimen 1 maýsym - Dúnıejúzilik balalardy qorǵaý kúnine oraı «Ana men bala» jýrnaly Almaty qalasyndaǵy №1 BALALAR ÚIİniń tárbıelenýshilerine esten ketpes estelik qaldyratyn shara retinde qaıyrymdylyq aksıasyn uıymdastyrýdy qolǵa alýda. Sharanyń basty maqsaty – balalar úıiniń tárbıelenýshilerine merekelik kóńildi kún, qýanyshty kúı syılaý. Ustanymy – «Jetim kórseń, jebeı júr».

Sharanyń ótilý barysy:

- balalarmen  mýzykalyq, tanymdyq jáne kóńildi oıyndar oınatylady;

- elimizge belgili óner azamattary(Ermek Baljigit, Aıqyn Tólepbergen, Syrym Isabaev) án shyrqaıdy;

- «Nur akademıa» balalardy damytý ortalyǵy eń qyzyqty logıkalyq robottehnıka qurastyrý saǵatyn uıymdastyrady;

- sonymen birge balalardyń júreginen shyqqan tilekterin jetkizetin «Kún nury» atty shyǵarmashylyq jumys ótkiziledi dep kútilýde.

Aksıa 1 maýsym kúni, saǵat 10:00-de, Orbıta-3 yqsham aýdany, Saıyn/Rysqulov kósheleriniń qıylysy, Almaty qalalyq №1 balalar úıinde ótedi.

Baılanys: 87026489715, 87077156233