Kúni keshe ǵana «Qamshy» portalynda «
Qazaqstanǵa qupıa qarý qoldanylyp jatyr ma?» atty maqala jarıalaǵan bolatynbyz. Onda sońǵy ýaqyttarda oryn alǵan tylsym apattar men sebebi anyqtalmaǵan aýrý-indetter týraly baıandalǵan edi. Máselen, Kalachı aýylyndaǵy uıqy derti, Aqbókenderdiń jappaı qyrylýy t.b. derekter keltirilgen. Arada bir kún ótpeı jatyp, taǵy bir sýyq habar Atyraý oblysynan keldi. Atyraý oblysyndaǵy «Aq Jaıyq» tabıǵı qoryǵynyń terıtorıasynda ornalasqan, Oral ózenine quıatyn birneshe kanal mańynan jappaı qyrylyp qalǵan, óli balyqtar tabylǵan. Bul týraly Atyraý oblystyq tabıǵı qoryqty qorǵaý prokýratýrasynyń prokýrory Qaırat Ýteýlıev Qazınform tilshisine baıandaǵan. «Qazirgi tańda kanal mańynan torta shabaq, tyran balyq, taban balyqtardyń ólekseleri tabylǵan. Qazir ol jerge ekologtar men arnaıy mamandar shaqyrylyp, sýdyń hımıalyq jáne tabıǵı quramyn zertteý jumystary júrgizilýde»,-deıdi Qaırat Ýteýlıev. Esterińizde bolsa, qazaq dalasynyń jez kıikteri jappaı qyrylyp, sany 120 myńnan asyp jyǵylǵanda, mamandar kıikikterdiń qyrylý sebebin – kúpti bolǵan dep qorytyndylaǵan edi. Endi balyq qyrǵynyna ne der eken?.. Nurzat Toǵjan
