Oqý jylynyń aıaqtalýymen birge oqýshylardyń jazǵy demalysyn tıimdi uıymdastyrý máselesi de alǵa shyǵady. Elimizde balalardyń jazǵy demalys ýaqytyn tıimdi uıym­dastyrý maqsatynda mektepter janynan lagerler ashylyp, jergilikti atqarýshy bılik ókilderi jaqyn mańdaǵy demalys oryndarynan balalarǵa joldama da usynyp jatady. Alaıda, bul bastamalar elimizdegi barlyq balalardy qamtıdy dep aıtý qıyn. Minekeı oqýshylar da, ata-analarda, tipti muǵalimder de asyǵa kútken bıylǵy jazǵy demalysqa jettik desek bolady. Jyl boıy ýaqytynyń kóbi partada otyryp oqyp-jazýǵa ketken oqýshy, demalysyn asyǵa kútedi. Bul – tabıǵı nárse. Balalardyń jazǵy tynyǵý lagerleri ár túrli bolǵanmen olardyń maqsaty men mindetteri birdeı: balalardy tynyqtyrý, qyzyqtyrý, densaýlyǵyn nyǵaıtý, bilimin keńeıtý, tárbıeleý. Osy maqsat, mindetterdi oryndaý úshin túrli jumystardy uıymdastyrady. Ol jumystardyń negizi bolyp árqashan túrli oıyndar qala beredi. Bıyl Ońtústik Qazaqstandaǵy 24 jazǵy saýyqtyrý lagerinde 50 myńǵa jýyq bala demalmaq deıdi, búgingi brıfıńte oblystyq bilim, jastar saıasaty jáne tilderdi damytý basqarmasynyń basshysy A.Elshıeva. Sondaı-aq, 6500 bala ózge óńirler men shet elderdegi lagerlerge barady. Óńirde jazǵy lagerler maýsym aıynyń besinen bastap jumysyn bastaıdy. Osy demalys oryndaryna oblystan áleýmettik turmysy tómen, jetim jáne jartylaı jetim on myńǵa jýyq búldirshin jaz aıynda lagerlerge tegin jiberledi. Sonymen qatar, qala ishindegi oqýshylar saraıynyń janyndaǵy «Baldaýren» lageri 600 balany tegin qabyldaıdy. Onda kelgen balalar túrli úıirmelerge qatysyp, tarıhı oryndarǵa saıahat jasaıdy.