«Ular Shyń» balabaqshasynyń «Suńqar» tobynyń búldirshinderi arasynda qyz baıqaýy ótti. Konkýrsqa 9 saıysker qatysyp, 7 týr boıynsha baqtaryn synady. «Ular Shyń arýy 2015» baıqaýynda búldirshinde birinshi ózin – ózi tanystyrsa, «Zerdeliniń oıy ozyq» kezeńinde suraqtarǵa jaýap berdi. «Sheber qoldar» saıysynda kishkentaı arýlar qaǵazdan oıý oıyp, ony qurastyryp, kópshiliktiń nazaryna usyndy. Án aıtyp, bı bılep, taqpaq aıtqan búldirshinderimiz «Óz óneri» týrynan súrinbeı ótti. «Qol óner» saıysynda analarymen birge jasaǵan ulttyq naqyshtaǵy kıiz úı, syrmaq oıyp arýlarymyz iskerligin, sheberligin kórsete bildi. Búldirshinder «Qonaqjaılylyq ata dástúrimiz» kezeńinde úıden jasap kelgen as mázirlerin kórsetip, onyń daıyndalý tásilin túsindirip berdi. Sahna mádenıetine mashyqtanǵan qyzdarymyz sán úlgilerin kórsetip, «Qyzdarǵa ásemdik jarasynda» saıysynda olar óz ásemdikterimen, tartymdyqtarymen, sulýlyqtarymen el nazaryn ózine baýrap aldy. Baıqaýda qatysýshy qyzdardan bólek «Tomasha», «Toty», «Bulbul», «Lashyn», «Suńqar» tobynyń sábıleri án aıtyp, bı bılep, merekelik konserttiń joǵary deńgeıde ótýine atsalysty. Konkýrs bolǵan soń, onyń jeńimpazdary anyqtalýy tıis. «Ular Shyń arýy» baıqaýynyń nátıjesi boıynsha bas júldeni Zere Japparova, birinshi oryndy Arýjan Ábilqasym, ekinshi oryndy Darıa Dáýrenqyzy, úshinshi oryndy Arýana Qadyrhan jeńip alsa, Mılana Zaıseva – «Ónerli qyz», Ulzıa Ǵalymjan –«Kórermen kózaıymy», Kamalıa Pernebaı – «Sheber qyz», Nazmına Habıbýllaqyzy – «Myń buralǵan bıshi», Arına Sıdelnıkova – «Kórikti qyz» nomınasıalarynyń ıegeri atandy. Barlyq kishkentaı arýlarymyzǵa dıplomdar men syılyqtar tabys etti.
«Lenger jarshysy»
