El múddesi men keleshegin oılaıtyn rýhanı baı jastardy tárbıeleý úshin otbasynyń, ata-ananyń alar oryny erekshe. Bala tárbıesindegi ata-ananyń, otbasynyń mańyzdy ekendigin bilgen halqymyz: «ata kórgen oq jonar, ana kórgen ton pisher» degendi teginnen tegin aıtpaǵan jáne az sózben-aq uly uǵymǵa meńzeı bilgen. Keshegi Keńester Odaǵy kezinde bala tárbıesine oktábrát, pıoner, komsomol uıymdary da jaýapty bolyp, balaǵa beriletin tárbıeniń sharýasyna olar da belsene aralasqany belgili. Solaı deı tursaqta jańa týǵan balanyń boıyndaǵy rýhtyń damýyna til men dil otbasynda berilip, ata-ananyń tynymsyz jasaǵan eńbegimen qalyptasady. Árbir ultty bir-birinen erekshelendirip turatyn osy til men dil dúnıege kelgen sábıge ana sútimen, ákeniń qanymen berilip, sol jasty rýhy myqty azamat etip ósiredi. Rýhy myqty azamattyń bolashaǵy da zor. Sol úshinde árbir ata-ana balasynyń jaqsy tárbıe alýyna, deni saý bolyp ósýine kóńil bólip, ózderi tarapynan beriletin tárbıeniń mánine, mazmunyna nazar aýdarǵandary jón. Mektep oqýshylarynyń sabaqtarynyń bitirý merzimi jaqyndaýyna baılanysty, Tólebı aýdandyq «Nur» meshitiniń bas ımamy Anarbaev Samattyń uıymdasty rýymen aýdan kólemindegi barsha mektep bitirýshilermen kezdesýler uıymdasty rylyp, josparly túrde ótkizilýde. Bul kezdesýdiń maqsaty qazirgi jastar arasyn daǵy dinı túsinikterin joǵarlatý, sonymen birge ózekti másele bolyp turǵan jat aǵymdar jaıly maǵlumat berilip, saq bolý kerektiligi aıtylýda. Kezdesýge sol mektepterdiń ásirese bitirýshi túlekteri qatystyrylýyna jete mán berilýde. Sebebi bolashaq stýdentter erteń syrtta dinı saýatsyzdyq kesirinen jat aǵym jeteginde ketýde. Ár kezdesý sońynda oqýshy, muǵalimder arasynan kókeıde júrgen suraqtaryna tushymdy jaýaptar berilip otyrdy.