Balalardyń demalysyn uıymdastyrý qashanda mańyzdy máseleniń biri bolyp sanalady. Jyl saıyn demalys ýaqytyndaǵy balalar men jasóspirimderdiń tolyq demalýlaryna, tanyp bilý, shyǵarmashylyq jáne qoǵamshyldyq belsendiligin arttyrýǵa, balalardyń ózin - ózi uıymdastyrý qabiletterin damýǵa, ǵylymı, tehnıkalyq, kórkem shyǵarmashylyq, sport, saıahat pen ólketaný jáne basqa da tanymdyq qyzmet túrlerindegi bilim men iskerlikterin arttyrýǵa jaǵdaı jasaý maqsatynda oqýshylar úshin jazǵy saýyqtyrý aýysymdary ashylady. Jazǵy kanıkýl balalardyń jyldyq bos ýaqytynyń aıtarlyqtaı bóligin alady. Ol mekteptegi sabaqtan góri balanyń erkindikke, ózi úshin qyzyqty isterdi jasaý jáne óz múddeleriniń erkin damýy úshin qajettilikterin júzege asyratyn kezeń. Sondyqtan jaz-balalardyń shyǵarmashylyq áleýetin damytýǵa, olardyń jeke basyna tán baılanystaryn jetildirý, áleýmettik jáne mádenı bilim berý qundylyqtaryna aralasý, áleýmettik baılanystar júıesine qosylý, óz josparlaryn is júzine asyrý, jeke bas múddelerin qanaǵattandyrý, oıyn-saýyq, boıynda jınalyp qalǵan shıelenisten arylý, jumsalǵan kúshiniń ornyn toltyrý, densaýlyǵyn nyǵaıtý kezeńi. Jaz balalarǵa óziniń san túrli talantyn ashyp kórsetýge múmkindik beredi.Bul kezeńdi jeke basynyń jaqsy jaqtaryn ashyp kórsetýge jaǵdaı jasaýǵa, balalar arasynda rýhanı jáne emosıalyq qundylyqtaryn almasýǵa, jeke basynyń múddelerin júzege asyrý úshin paıdalaný kerek. Jazǵy maýsymda Maqtaral aýdany ákiminiń bastamasymen «Tolaǵaı» jáne «Erkejan» atty eki saýyqtyrý lagerleri ashylady. Jumysyn 6 maýsym kúni bastaıtyn bul lagerde maýsymyna bes myńǵa jýyq balany demaldyrý josparlanýda. Jazǵy balalardy saýyqtyrý lagerlerine áleýmettik az qamtamasyz etilgen jáne kóp balaly otbasy balalary men jetim, jartylaı jetim balalardy qamtý maqsatynda jalpyǵa mindetti bilim berý qorynan búdjetten 15 mln. bólinse, bilim berý qyzmetkerleriniń kásibodaǵynan 15 mıllıon, aýdan búdjetinen qosymsha 20 mıllıon teńge kóleminde qarjy qaraldy. Atalǵan lagerler 7 maýsymnan turady. Árbir maýsym 10 kúndi quraıdy. Munda aýdanymyzdaǵy 4-10-shy synyp aralyǵyndaǵy oqýshylar demalmaq. Jasóspirimderge tańǵy jattyǵý, túrli saýyqtyrý oıyndary men qol óner úıirmeleri, mádenı jáne sporttyq baǵdarlamalar ótkizilip, tórt mezgil tamaq beriledi. Mundaǵy «Tolaǵaı» lageri 250, «Erkejan» lageri bir maýsymda 100 bala qabyldaı alady.