Keshe ulttyq memleket qurý jónindegi dıskýssıada latvıalyq áriptesimiz Kaspars Kýkelıs sóz sóıledi. Qysqasy, qazaqtardan tózimdi halyq kórmedim deıdi. Mysaly, ótkendegi "Shokoladnısa" degen kafeniń tóńiregindegideı aıtys basqa elde bolsa, sol túnde kafeni jurtshylyq talqandap tastar edi nemese ony jergilikti bılik sotpen jaýyp tastar edi deıdi. Sebebi basqa memlekette jergilikti halyq óz tilinde aqparat alýǵa quqyqty. Buǵan eshkim daý týǵyzbaıdy. Polısıa bolsa kafeni qorshap, a
pattan, órtten saqtaýǵa májbúr bolar edi deıdi áriptesimiz. El, ult bolamyz desek, aldaǵy ýaqytta birneshe zań qabyldaýymyz kerek. Bastylary - Memlekettik qazaq tili týraly zań; Eńbek týraly zańnamaǵa qazaq tilin bilýge tıisti mamandyqtar tizimin engizetin jáne tildi meńgerý satylaryn anyqtaıtyn ózgertýler men tolyqtyrýlar; Tutynýshylardy qoldaý jáne qorǵaý týraly zańnamany árbir halyqqa qyzmet kórsetý uıymyn qazaq tilinde aqparat berýge mindetteıtin turǵydan kúsheıtý; Ákimshilik jáne qylmystyq kodeksterge memlekettik tildi qorlaǵany, zań talaptaryn oryndamaǵany úshin kórsetilgen jaýapkershilikti kúsheıtý baǵytyndaǵy qomaqty ózgerister.Aıdos Sarym, facebook
