Ótkende 9-mamyr jaqyndaǵanda elimizdiń barlyq aqparat quraldarynda alapat tasqyn kóterilip edi. "Uly jeńis kúni kele jatyr", "Jeńis kúnin saıasılandyrmaý kerek", "Otanymyzdy qorǵaǵandarǵa taǵzym etý kerek" dep. Biraq, qandaı "Uly Otandy" qorǵap qaldyq, kimnen qorǵadyq degen suraqqa birde-bir durys jaýap kórgen joqpyn. Ol soǵysta mıllıondaǵan adam qaza bolǵany ras: biraq sol qyrǵynnyń bastalýyna Gıtlermen qatar KSRO-nyń jerin odan ári ulǵaıtyp, qan tógýdi basty saıası qaǵıdatyna aınaldyrǵan Stalınniń de jaýapty ekenin nege aıtpaıdy? Sol "uly jeńiske ákelgen" soǵysqa deıin-aq Stalınniń óz azamattaryn malsha qyrǵanyn nege jazbaımyz? Osyǵan baılanysty repressıa qurbandaryn eske alatyn 31 mamyr jaqyndap qalǵanyn da bilemiz. Az-muz BAQ bolmasa, stalındik qýǵynǵa ushyrap, jaqyszy atylyp, qamalyp, aıdalyp ketken mıllıondaǵan qazaqtyń taǵdyry týraly aıtyp jatqandar kóp emes. Al shyn mánine kelsek, bul qazaq halqyna jasalǵan genosıd bolǵan joq pa? Jáne eń aýyry tek qazaq halqyna qarsy jasalǵan joq, komýnıserdiń genosıdine orystyń ózi de, ýkraın halqy da, basqalary da teń dárejede ushyrady. Biraq, sony áli kúnge deıin genosıd dep atap, arnaıy zań qabyldap, sol oqıǵalarǵa tarıhı baǵa bere almaı kele jatyrmyz. Beıbit zamanda mıllıondaǵan adamdy qyryp jatsa, bul genosıd emeı ne endi?! Mine, bul kúndi barlyǵymyz birge atap ótip, komýnıstik rejımniń jazyqsyz qurbandaryn eske alýymyz tıis. Osy sebepti, 31-mamyr kúni, saǵat 11-00-de Naýryzbaı batyr men Qarasaı batyr kósheleriniń qıylysyndaǵy saıabaqta ornalasqan repressıa qurbandarynyń eskertkishi aldyna jınalyp, olardyń rýhyna taǵzym etip, eske alsaq degen usynys bar. Barlyqtaryńyzdy soǵan shaqyramyz.

Janbolat Mamaı, facebook