Soltústik Koreıa prezıdenti  Kım Chen Ynnyń aǵasyn óltirgen Vetnam azamatshasy  Zoan Thı Hyon bostandyqqa shyqty.  Bul týraly Reuters aqparat agenttigi habarlady.

Búgin tańerteń túrmeden azat bolǵan ol endi Malaızıa arqyly óz eli Vetnamǵa jol tartpaq. Jazasyn ótep jatqan áıeldi ne úshin merziminen buryn bosatty, ol jaǵy ashyp aıtylǵan joq.

Atap óter bolsaq, ol 3 jyl 4 aıǵa bas bostandyǵynan aırylǵany belgili. Oǵan «qaýipti zatpen densaýlyqqa zıan keltirý maqsatynda qasaqana kisi óltirdi» dep aıyp taǵyldy.

Árıne qylmysker óz aıybyn moıyndady. Jalpy Malaızıada kisi óltirgen adam ólim jazasyna kesiledi. Alaıda onyń joly bolǵan. Osydan birer aı buryn taǵy bir aıyp taǵylǵan kúdikti abaqtydan bosatylǵan. Onyń da Kım Chen Ynnyń aǵasynyń ólimine qatysy bolǵan. Biraq tekserý barysynda olar adam óltirgenin moıyndaǵanymen, Soltústik Koreıa agentteriniń aldaýyna túsip qalǵan. Olar «qandaı da bir shoýǵa, telebaǵdarlamanyń oıynyna túsip jatyrmyz» dep oılaǵan. Sóıtip,  Kýala-Lýmpýr áýejaıynda belgisiz azamattyń denesine aq ulpa dári jaqqan. Al atalǵan dári halyqaralyq konvensıa boıynsha ruqsat etilmegen hımıalyq dári bolyp shyqqan. Osynyń saldarynan belgisiz azamat qaıtys bolǵan. Al ol Kım Chen Ynnyń aǵasy Kım Chen Nam bolyp shyqqany belgili.