Ońtústik Qazaqstan oblysyndaǵy 1022 mektepte sońǵy qońyraý soǵylyp, bitirýshi túlekter altyn uıalarymen qoshtasty. Sonyń birine óńir basshysy da qatysty. Oblys ákimi Asqar Isabekuly Túlkibas aýdany Jaskeshý aýylyndaǵy S.Seıfýllın atyndaǵy jalpy orta mektepte «Qosh bol, altyn uıa mektebim!» taqyrybyndaǵy sońǵy qońyraý sharasyna qatysty. Atalǵan aýdandaǵy mektepterdi bitiretin 1062 túlektiń 54-i «Altyn belgiden», 20-sy úzdik atestattat úmitti. Saltanatty jıynǵa qatysqan óńir basshysy barsha ońtústikqazaqstandyq bitirýshi túlekterdi quttyqtap, bilimdi, bıik parasatty azamat boly
p ósýin tiledi.‒ Biz búgin úlken qýanyshtyń, tarıhı is-sharanyń kýási bolyp otyrmyz. Mektep bitirýshiler jańa ómirge qadam basqaly otyr. Aldaǵy synaqtardan abyroımen ótip, joǵary kórsetkishke ıe bolatyndaryńyzǵa senimdimin, ‒ dedi A.Myrzahmetov.
Jalpy 2014-2015 oqý jylynda oblystaǵy 1022 mektepte 562 myń 621 oqýshy bilim aldy. 814 orta mektepte bilim alǵan 30982 oqýshy búgin 11-synypty bitirdi. Bıylǵy túlekterdiń 18588-i UBT-ǵa qatysýǵa nıet bildirdi. Al 1085 bitirýshi «Altyn belgiden» úmitti.
Oblysymyzda sońǵy alty jylda úsh júzge jýyq jańa bilim nysandary paıdalanýǵa berilse, ótken jyldyń ózinde 54 nysan ashyldy. Bıyl óńirde jańa 82 mekteptiń qurylysy júrýde.
Halyqaralyq jáne respýblıkalyq olımpıadalar, ǵylymı jobalar, sport pen óner saıystarynda oblystyń 700 oqýshysy jeńimpaz atandy. Bilimdi jastar komandasy respýblıkalyq pán olımpıadasynda ótken jyly İ oryndy ıemdense, bıylǵy jyly eki baǵyt boıynshada İİİ oryndy, sonymen qatar «Úzdik olımpıadalyq komanda — 2015» ataǵyna laıyq dep tanyldy.
Sondaı-aq, Qazaqstan Respýblıkasynyń mektep jáne kolej oqýshylary arasyndaǵy Vİİ jazǵy spartakıadasynda oblys komandasy İ oryndy ıelenip, óńir mereıin ósirdi.
OQO ákiminiń baspasóz qyzmeti
