Qazaqstan Táýelsizdik alǵan 24 jyldyń ishinde qazaqstandyq órender Halyqaralyq bilim olımpıadalarynyń jeńimpazy bolyp, jeńis tuǵyrynan túspeı keledi. Árıne, osy jyldar aralyǵynda bizdiń oqýshalyrdyń sheteldik bilim olımpıadalarynan jeńip alǵan júldeleri – ondaǵan myńnan asp jyǵylǵan. Solardyń ishinde Ońtústik Qazaqstan oqýshalyr da san márte topty jaryp, shetelderde jeńis tuǵyrlaryna kórinip júr. Mamyr aıynyń basynda Amerıka Qurama Shtattarynyń Húston qalasynda ótken halyqaralyq ǵylymı jobalar baıqaýynda Ońtústik Qazaqstannan barǵan qos birdeı oqýshy jeńis tuǵyrynan kórindi. Bul týraly oblystyq ákimdiktiń baspasóz qyzmeti habarlaıdy. Atalmysh bilim dodasyna AQSH, Reseı, Japonıa, Koreıa, Qytaı, Túrkıa syndy memlekettiń bilimdi jastary qatysqan. Jas ǵalymdar arasynda ótken jarysta jerlesterimiz qola medal ıemdenip otyr. Fızıka, energıa, ınjenerıa baǵytyndaǵy ótken jarysqa 67 memleketten 668 oqýshy qatysqan. Onyń 12-si — Qazaqstandyq oqýshylar. Álemdegi eń aýqymdy bilim saıysyna Shymkentten Tóregeldi Aıtbek pen Alısultan Abdýllaev qatysqan. «Arheologıalyq materıaldardyń quramyn zertteý» taqyrybynda aýqymdy joba jasaǵan 11 synyp oqýshysy Tóregeldi Baqtybaıuly óziniń jumysyn tolyqtaı shet tilinde qorǵap shyǵý ońaıǵa soqpaǵanyn aıtady. Sondaı-aq, Shymkenttegi «Jas ǵalym» jýrnaly men «Jasulan» qoǵamdyq birlestiginiń uıymdastyrýymen ótken saıysta da jeńimpazdar anyqtaldy. Eki baǵyt boıynsha ǵylymı jáne shyǵarmashylyq jumystaryn konkýrsqa jiberip, jetistikke jetken oqýshylar «Jas ǵalym» nomınasıasymen marapattaldy.