Bilimdi urpaq – memlekettiń keleshegi ekendigin jaqsy biletin ońtústik qazaqstandyq órender ózderin ár túrli baıqaýlarda jan-jaqtylyǵymen tanytyp keledi. Ár halyqtyń ár ulttyń, adamzat qoǵamynyń erteńgi kúnge úmit artar senimdi de, serigi de, ómiri de  - balalar. Búgingi sábı  erteńgi urpaqtyń jalǵasy, bizdiń bolashaǵymyz. Osy rette balalardyń kezekti merekesin  merekesin ózindik deńgeıinde atap ótý jáne balalardy qorǵaý kúnine oraı jas daryndy balalar men jasóspirimderdiń shyǵarmashylyǵyna qoldaý, án arqyly ulttyq ónerimizdi qadirlep, qurmetteý jáne jas esimderdi taýyp, olardyń ónerin halyqqa nasıhattaý maqsatynda  OQO-da «»Aıgólek« balalar baıqaýy bastaldy. Búgin Shymkenttegi oqýshylar saraıynda qalalyq «Aıgólek» shyǵaramashylyq balalar baıqaýy bastaldy. Úsh kezeńnen turatyn óner saıysyna shaharymyzdaǵy 21 bóbekjaı-balabaqshanyń búldirshinderi qatysty. Án aıtyp, bı bıleýde bar ónerlerin ortaǵa salǵan balaqaılar saıysqa erekshe daıyndyqpen kelipti. Qatysýshylar «Oqýda ozat bolamyn», «Bala búldirshin», «Men, sen jáne ol» atty ánderdi oryndaýmen qatar «Syǵan», «Dostyq», «Kıiz basý» bılerin bıledi. Osylaısha Ońtústistiń ónerli, talantty balalary anyqtalmaq. «Aıgólek» baıqaýy bıyl osymen 9-shy ret ótiýde. Al búgingi baıqaýdyń jeńimpazy erteń ótetin oblystyq jarysqa qatysyp, baq synaıtyn bolady.