Amerıkalyq Nebraska shtatynda er adam kóshede kele jatyp, baıqaýsyzda tapanshadan óziniń shat tusyna atyp jiberdi, dep habarlaıdy Qamshy.kz aqparat agenttigi WIBW aqparattyq portalyna silteme jasap.
Lınkoln qalasynyń polısıa qyzmetkerleriniń aıtýynsha, oqıǵa 1-mamyr kúni oryn alǵan. 32 jastaǵy Pıter Iakobsson (Peter Jacobsson) kóshede kele jatqanda, qaltasynan tapansha túsip qalady. Qarý jerge soǵylyp, kezdeısoq odan oq atylady. Atylǵan oq tapansha ıesiniń ózin jaralaǵan bolyp otyr.
Amerıkalyq azamat jergilikti aýrýhanaǵa jatqyzylyp, oǵan alǵashqy medısınalyq kómek kórsetildi. Er adam ajaldan aman qaldy. Endi Iakobsson zańsyz qarý saqtaǵany jáne qala ishinde jasaǵan atysy úshin sot aldyńda jaýap beredi.
Usynǵan: Ildar Adılchenov
