Almaty qalalyq Polısıa departamentiniń baspasóz qyzmeti habarlaǵandaı, osy kúnderi  departamentke ardagerlerdiń 25 uıymynan  ótinishter kelip túsken. Olar  Jeńis kúni  qurmetine, ásirese «Máńgilik  Dańq – Bessmertnyı polk» sherýiniń baǵyt-baǵdaryna oraı  sharalardy josparlaý kezinde qoǵamdyq qaýipsizdikti qamtamasyz etýdi kúsheıtý jóninde  ótinish jasaǵan.  Ardagerler uıymdarynyń hattary túgeldeı Aqparattardy   esepke alý  kitabyna tirkelgen.

       Almatyda 7–9 mamyr kúnderi aralyǵynda kóptegen mádenı-buqaralyq is-sharalar josparlanyp otyr.  Sonymen birge osy kúnderge  115 myńnan astam adam qatysatyn  sherý de josparlanǵan. Osyǵan oraı, qalalyq polısıa jeke quramnyń kúsheıtilgen qyzmet  kórsetýge  kóshkenin habarlaıdy jáne de azamattardyń qaýipsizdigin qamtamasyz etýge múmkindik  beretin biregeı is-sharalar qoldanylatynyn málimdeıdi.

         Atap aıtqanda, polısıa qyzmetkerleri  «Máńgilik Dańq» kolonnasyna ilese júrip otyryp, qaýipsizdikti kúsheıtýdiń   joǵary deńgeıin qamtamasyz etetin bolady. Sondaı-aq, mereke kúnderi antıterrorıstik qaýipsizdik  sharalary da  kúsheıtilmek.

         2016 jyldyń shilde aıynda Nıssa qalasynda bolǵan terakt kezinde  júk mashınasynyń halyqty taptap ótkenin eskere otyryp, sherý qozǵalysynyń  búkil baǵyty  boıynsha  antıtarandyq  beton qorshaýlar qoıylady. Sonymen qatar, Polısıa departamenti qoǵamdyq tártipti buzý faktilerine qatysty barynsha naqty aldyn- alý   sharalaryn  júrgizetindigin  eskertedi.

       Quqyqqorǵaý organdary ekstremıstik qozǵalys ókilderi tarapynan jasalǵan kez-kelgen qoǵamǵa qarsy is-áreketterge jedel túrde qarsy is-qımyldar jasaıtynyn habarlaıdy jáne zańbuzýshylarǵa qatysty Qazaqstan Respýblıkasynyń zańnamalaryna sáıkes qatań is-sharalar qoldanylatyn málimdeıdi.

Almaty qalasy  Polısıa departamentiniń

baspasóz  qyzmeti.