Shymkentte ınklúzıvti bilim júıesiniń nátıjesinde múmkindigi shekteýli myńnan asa bala bilim alýda. Sonyń bir mysaly — №39 mektep janynan ashylǵan bir ǵana logopedttik pýnkte tilinde múkistigi bar 59 bala sóıleý qabiletin arttyryp júr. Densaýlyǵynda ahaýy bar balalar úshin munda arnaıy 12 klass jumys isteıdi.

Sondaı balalardyń biri — Daryn Seıilhannyń týmasynan tilinde múkistik bar. On jasar balanyń mektep janynan ashylǵan logopedtik ortalyqqa kelgeli beri sóıleý qabileti birshama jaqsardy deıdi muǵalimderi. Oń nátıje baryn sezingen onyń ata-anasy aptasyna úsh ret ákelip, mektep baǵdarlamasyna sáıkes bilim alýyn qoldapty.

№ 39 mektep janynan ashylǵan logopedtik pýnkte 103 bala dáris alady. Olarǵa defektolog, psıholog, logoped qyzmet etedi. Ár balanyń dıagnozyna jáne jas ereksheligine baılanysty toptyq sabaqtarmen qatar muǵalimder jeke túrde de bilim berýde. Dáris barysynda pándegi bir taqyryptyń ózi keminde tórt-bes ret qaıtalanyp otyrady. Bul — ınklúzıvti bilim júıesindegi eń basty erekshelik. Shymkent qalasy boıynsha mektep janynan ashylǵan mundaı 37 logopedtik pýnkt jumys isteıdi. Munda júrý men sóıleý kemistigi bar balalar arnaıy joldama arqyly keledi. Degenmen, jyldan jylǵa múmkindigi shekteýli balalardyń sany artýyna baılanysty qaladaǵy keıbir shaǵyn aýdandar logopedttik pýnktiń qyzmetine zárý.

Yntymaq Mádıev, Shymkent qalalyq bilim bóliminiń basshysy: «Biz bul másele boıynsha áli de zerdeleý jumystaryn júrgizip jatyrmyz. Soǵan baılanysty tilinde múkisi bar balalar qaı jerde kóp shoǵyrlansa, sol jerde osyndaı ortalyqtar ashamyz.»

Osylaısha bilim salasynyń mamandary jyldyń sońyna deıin logopedtik pýnkterdiń qataryn kóbeıtemiz dep otyr.