2013 jyly kúıeýimen birge Sırıa asqan 33 jastaǵy qazaqstandyq kelinshek maıdan dalasyndaǵy áıelderdiń jaǵdaılary týraly shyndyqty aıyp berdi dep habarlaıdy Qamshy.kz aqparat agenttigi Tengrinews.kz saıtyna silteme jasap.
"2010 jyly men din jolynda júrgen azamatqa turmysqa shyqtym. Ol kezde "djıhad" degenniń ne ekenin bilmeıtinmin. 2012 jyly ol jumysqa kettim dep saparǵa shyqty. Qaıda baratynyn aıtpady. Arada aı ótkende baılanysqa shyǵyp, ózimen birge alyp ketetinin jetkizdi. Biz Sırıaǵa Túrkıa arqyly jettik. Kishkene aýylǵa qonystanǵanbyz. Arada apta ótpeı jatyp, men úıge qaıtqym kelgen. Biraq ol meni solaı jasasam talaq etetinin aıtty", - deıdi kelinshek SİM ótken kezdesýde.
Jas kelinshektiń birinshi nekesinen segiz jasar qyzy bar. Al ekinshi jarynan eki ul taýypty. Biraq onyń biri shaqalaq kezinde jaǵdaı bolmaǵandyqtan shetinep ketken.
"Elge qaıtýǵa degen turaqty umtylys 2017 jyly kúıeýim qaıtys bolǵannan keıin bastaldy. Ol jaqta jesirlerdiń barlyǵyn sý men jaryǵy, tamaǵy joq jerge tórt aı jáne on kúnge qamap tastaıdy. Atalǵan merzim ótken kezde ol jerge túrli er adamdar kelip, ózderine áıel tańdaıdy. Kelinshekter amalsyzdan taǵy da erge shyǵady. Búgin jar qushsań, erteńine ol qaza tabýy múmkin. Osyndaı jaǵdaımen 19 ret turmys qurǵan áıelder de bar", - deıdi ol.
Atalǵan jaǵdaıdaǵy áıelder ózderiniń ahýaly týraly Otanyna habar bere almaıdy. Eger solaı etetin bolsa, olardy satqyndyq jasaǵany úshin ólim jazasyna kesedi eken.
Aýdarǵan: Ádilet Mádenıet
