Prezıdent Qasym-Jomart Toqaev 13 mamyrda is-saparmen Oral qalasynda boldy. Sapar barysynda Toqaevtyń ústel tenısin oınap jatqan beınejazbasyn prezıdenttiń baspasóz-hatshysy Berik Ýálı óziniń Instagram paraqshasynda jarıalady dep habarlaıdy Qamshy.kz aqparat agenttigi.
Prezıdent jumys barysymen Batys Qazaqstan oblysynyń birqatar nysandaryn aralap, óńir turǵyndarymen kezdesti. Sonymen qatar, Oral qalasynyń aqparattyq tehnologıalar kolejinde de boldy. Jelide taraǵan beınejazbada Prezıdent kolej stýdentterimen ústel tenısin oınap jatyr.
Belgili bolǵandaı, Qasym-Jomart Toqaev ústel tenısimen belsendi aınalysyp, «Sport sheberine úmitker» ataǵyn da alǵan. Esterińizge sala keteıik, ol eki jyl qatarynan Qazaqstannyń ústel tenısi Federasıasyn basqarǵan.
Usynǵan: Marjan Sábet
