Egemendik alyp, eski kúnimizdi eńsergeli 24 jyldyń júzine aınalyp barady. Osy jyldar aralyǵynda Elbasynyń kóregen saıasatynyń arqasynda Qazaqstan qaryshtap damýdyń dańǵyl jolyna tústi.  Tek ónerkisip, shıkizat salasy ǵana emes, medısınada da aıtarlyqtaı nátıjelerge jettik. Sonyń ishinde táýelsizdik jyldary  elimizde negizi qalanǵan densaýlyq saqtaý nysandarynyń 61 paıyzy – Ońtústik Qazaqtan oblysynda salynǵa.

Iá, bul óńirde  aq halatty abzal jandarǵa barlyq jaǵdaı jasalǵan. Jergilikti bıliktiń shynaı qoldaýy men dárigerlerdiń tynymsyz eńbeginiń nátıjesi - Náresteler óliminiń kórsetkishi 16,4-ten 15,4-ke tómendedi, analar óliminiń kórsetkishi 20,6 qurady.   Oblysta alǵashqy ret ana ólimin vırýstyq ınfeksıa jáne pnevmonıadan tómendetý maqsatynda 38 876 júkti áıelderge tumaýǵa qarsy ekpe (vaksınasıa) jasalǵan.  Sondaı-aq, Medısınalyq uıymdardyń  materıaldyq tehnıkalyq bazasyn nyǵaıtýǵa 4,7 mlrd. teńge baǵyttalyp, jaraqtalý kórsetkishi 49,8%-dan 56,2%-ǵa jetkizilip, respýblıkalyq orta kórsetkishke jetken. Al bıylǵy jyldyń ishinde oblystyq balalar aýrýhanasy qanshshama búldirshindi ajaldan arashalap qalǵan.

Oblystyq balalar aýrýhanasynda 6 aı ishinde 102 júrek otasy jasalǵan. Buǵan deıin osy aýrýhananyń dárigerleri salmaǵy 10 keli bolatyn balalarǵa kúrdeli júrek otasyn jasasa, endi mamandar salmaǵy 3 kelige deıingi balalarǵa da ota jasaı alady.

Bul jaıynda 6 aılyq jumystyń esebin bergen aýrýhana basshylyǵy málimdedi. Olardyń aıtýynsha, óńirde balalar kardıohırýrgıasy qarqyndy damyp keledi. Sonyń aıǵaǵy — jergilikti otashylar ońtústikqazaqstandyq balaqaılardy ǵana emes, Taraz, Qyzylorda óńirleriniń naýqastaryn da qabyldaýda. Aıtýlarynsha, endi óńirimizdiń bóbekterine emdelý úshin Astana men Almatyǵa barýdyń da qajeti joq.