14-mamyr kúni QR prezıdenttigine úmitker Ámirjan Qosanovtyń ıýtýbtaǵy Exclusivekz atty arnasyna kezekti qonaq retinde belgili saıasatker Dos Kóshimdi shaqyryp, birqatar taqyryptardy tarqatty dep habarlaıdy Qamshy.kz aqparat agenttigi.

Ámirjan Qosanovtyń elde bolyp jatqan sońǵy jańalyqtar týraly qoıǵan suraǵyna Dos Kóshim tosylmaı-aq jaýap berdi.

"Sózimdi "Jynymdy keltirmeshi, blın" dep bastaǵym kelip otyr. Sońǵy kezderi basshylardyń turpaıylyǵy, anaıylyǵy beleń alyp barady. Degenmen, halyqtyń da kózi, qulaǵy ashylǵan sıaqty. Astanadaǵy bes balanyń tragedıasynan keıin eldiń eńsesi tiktelip, óz oılaryn batyryńqyrap ári batylyraq aıtyp júr", - dedi ol.

Áńgime tizgini Qosanovqa kóshisimen, ol jarıa tulǵalardyń (mınıstrler, vıse-mınıstrler, orynbasarlar) mádenıetsizdigi týraly sóz etti. Olardyń halyq jynyna tıe bastaǵan ýaqytyn da naqtylap bergen. Aıtýynsha, bul ýaqyt bes balanyń tragedıasymen tuspa-tus keledi.

"Munyń bári jaýapkershiliktiń joqtyǵynan ǵoı. Bir sózben aıtqanda, qazaq mundaılardy "kórgensiz" degen. Ata-anasyna til tıgizbeımin. Biraq olardyń dál qazirgi jasap jatqan áreketin eshbir jolmen aqtap alý múmkin emes", - dep taqyryp núktesin qoıdy Dos Kóshim.

Áńgime ári qaraı polısıa qyzmetkerleriniń bolmashy nárseler úshin azamattardyń zańdy quqyǵyn shektep, ony aıaqqa taptap júrgeni týraly máseleler sóz boldy.

Oqyrmandarǵa túsinikti bolýy úshin baǵdarlamanyń tolyq nusqasyn usynǵandy jón kórdik.

Usynǵan: Ádilet Mádenıet