Atyraý oblysy polısıa departamentiniń basshysyna qatysty tergeý jumystary júrgizilýde dep jazady Qamshy.kz aqparat agenttigi. Áleýmettik jelide Atyraý oblysy polısıa departamentiniń basshysy Aıan Dúısenbaevqa uqsas adamǵa at mingizgen vıdeo taralady. 

Vıdeodan forma kıgen adamnyń atqa minip, halyq qoshemetine bólengenin kórýge bolady. Qazaqstannyń İİM atalmysh vıdeoǵa qatysty túsinikteme berdi. 

"İshki ister mınıstrligi Atyraý oblystyq polısıa departamentiniń bastyǵy Aıan Dúısenbaevqa qatysty vıdeo áleýmettik jelide jarıalanýyna baılanysty qyzmettik tergeý júrgizý úshin óńirge attandy", - delingen habarlamada.

Aıan Dúısenbaev osyǵan deıin de basy daýǵa qalǵan bolatyn. 2018 jyly Aıan Dúısenbaevtyń kazınoda 1 200 000 dollarynan 3 saǵatta aırylǵan vıdeosy áleýmettik jelide qyzý talqyǵa tústi. Keıin İİM 2014 jyly Aıan Dúısenbaevtyń Mınsk qalasynda dosymen birge demalysta bolǵanyn aıtty. Sondaı-aq Aıan Dúısenbaevtyń kazınoda oınamaǵanyn málimdedi. 

Oqı otyryńyz: 

♦Kazınoda $ 1 200 000 kúlin kókke ushyrǵan bizdiń shendi me? (vıdeo)

♦Toqaevtyń "qupıa" ısharasynyń maǵynasy qandaı? (foto)

Daıyndaǵan: Ásel Bolatqyzy