«Grýzıanyń musylmandar odaǵy», eldiń eks-prezıdenti Mıhaıl Saakashvılıden Adjarıdiń Hýlo aýdanynda turatyn musylman dinin qabyldaǵan jergilikti turǵyndarǵa til tıgizgeni úshin  keshirim suraýyn talap etti, dep habarlaıdy Qamshy.kz aqparat agenttigi Rambler saıtyna silteme jasap.

Saakashvılı: «Hýlonyń turǵyndaryna eshqandaı da sýret galereıasy qajet emes»,  - dep, mádenıeti joq aýdan ekendigin aıtqan. Sonymen qatar ol jergilikti saıasatkerlerdiń birin «artta qalǵan» jáne «ústinen jaǵymsyz ıis shyǵady» dep keketken.

«Musylmandar odaǵynyń» basshysy Tarıel Nakashıdze, eks-prezıdenttiń bul áreketin «qorlyq pen kemsitýshilikke» balady.

Eskerte keteıik, Hýloda jáne Grýzıanyń basqa da aımaqtarynda 19 mamyr kúni qala meriniń saılaýy ótedi. Grýzıa sotynan qashyp, shetelde boı tasalap júrgen eks-prezıdent áleýmettik jeliler men vıdeoúndeýler arqyly óziniń «Biryńǵaı ulttyq qozǵalys»  partıasynyń kandıtatyna daýys berýge shaqyrýda.

Daıyndaǵan: Marjan Sábet