Tabys degen ne? Kóp adamdar ony durys túsinbeıdi. Osydan úlken qıyndyqtar bastalady. Tabys – ol aqsha men jaıly ómir emes. Kóp aqshaǵa ıe bolǵan adamnyń shyn baqytty bolary ekitalaı. Kóp elderge saıahattap, ártúrli taǵamdardyń dámin tatyp, eń jaqsy kıimderdi kıip júrý de tabysqa jatpaıdy. Alaıda adamdar osyndaı ómirge jetýdi maqsat etedi dep jazady Qamshy.kz aqparat agenttigi.

Sonda tabys degen ne? Tabys degen – tulǵalyq damý. Sizden aqshańyzdy, kıimińizdi, tamaǵyńyzdy, úıińizdi, bárin tartyp aldy dep elestetińiz. Sonymen, ózińizde ne qaldy? Árıne, ózińiz, oıyńyz, sanańyz qaldy. Siz Vıktor Frankl esimin estigen bolarsyz. Ol shyn ómirde bolǵan myqty adam. Onyń tulǵalyq myqtylyǵy sonsha eshqandaı qıyndyq ony syndyra almaǵan. Ýaqytyńyz bolsa Vıktor Frankldiń tulǵalyq qalyptasý jolyn oqyńyz.    

Tabys - bul ózimshil bolmaý. Ózińdi jáne otbasyńdy qoldaý úshin tabysqa umtylǵan jaqsy. Degenmen, tek munymen shektelseńiz shynaıy tabysqa jete almaısyz. Biz qoǵamda ómir súrgendikten, ondaǵy tulǵalar, adamdar sizge áser etetini sózsiz. Eger sizdiń dostaryńyz, otbasyńyz jáne jaqyn adamdaryńyz, basyńyzda shatyryńyz jáne jaqsy tabysyńyz bar delik. Degenmen, siz qoǵamda ómir súrip, kún saıyn ártúrli adamdardy kezdestiresiz. Ol adam jaǵymsyz, aqylsyz bolýy múmkin. Shyn máninde tabysty adam qoǵamdaǵy sondaı adamdardy baıqap, ondaı jandardyń baryna ózin de kináli sezinedi. Sanasy solaı deıdi. Eger siz shyn máninde tabysty bolsańyz qoǵamdy ózgerýge tyrysyńyz, sebebi ol sizdi ózgerte alady.

Adamnyń óz daryny men qabiletin asha almaýy jáne óziniń qajettiligin óteı almaýy jeke damýǵa úlken kedergi keltiredi. Sondyqtan eshqandaı qabiletti qajet etpeıtin jumystardy istep, óz ýaqytyn bosqa ketiredi. Ondaı adamdarda jeke damýǵa degen qyzyǵýshylyq, motıvasıa qalmaıdy jáne adamgershilik, jaǵary qasıetterin birsaryndy, yńǵaıly ómirge aıyrbastaıdy. Tipti jumystan keıingi bos ýaqytty paıdasyz nárselermen toltyrady. Qoǵamǵa qosatyn úlesi tómen adamǵa aınalady jáne ony ózi de túsinedi. Osyndaı sanatqa túspeý úshin óz qabiletterińizdi ashyp, damytyńyz. Sonda ǵana shynaıy tabysqa jetesiz.