Amerıkalyq turǵyn ishinde boljam jasyrylǵan pechene jep, lotoreıadan qomaqty qarjy utyp aldy, dep habarlaıdy Qamshy.kz aqparat agenttigi Rambler  saıtynyń derekterin negizge ala otyryp.

Mıssýrı shtatynyń turǵyny Fonda Smıt-Devıs balasyn ertip, úı mańyndaǵy meıramhanalardyń birine tústenýge barady. Tústenip bolǵannan keıin meıramhananyń atynan dám tatý úshin ishinde boljam jasyrylǵan pechene tegin beriledi. Onyń aıtýynsha, ol buǵan deıin eshqandaı utys oıynyna qatysyp kórmegen. Al pecheneniń ishinen shyqqan boljamda: «Baǵyńdy syna, jeńiske jetesiń», - dep jazylyp turǵan.

Sol sebepti Fonda, múmkin baǵym janar degen oımen 5 dollarǵa tórt utys bıletin satyp alady. Sol bıletterdiń birinen amerıkalyq turǵyn shynymen de 55 myń dollar utysqa ıe bolǵan. Bul AQSH-taǵy ortasha jyldyq jalaqydan sál ǵana az aqsha.

«Men bıletterdiń qorǵanys qabattaryn asha bastadym, bireýinen shynymen de utys shyqty. Balam qýanyshtan aıǵaılap jiberdi», - dep Fonda Smıt-Devıs jýrnalıserge aǵynan jarylǵan. Ol aldaǵy ýaqytta bul qarajatty jańa úıdiń alǵashqy jarnasyn tóleýge jumsamaq.

Aýdarǵan: Marjan Sábet