"Islam memleketteri" tobyna (elde tyıym salynǵan) múshe bolǵany úshin sottalǵan 29 tutqyn, Tájikstan memleketindegi Vahdat qalasyndaǵy túzetý kolonıasynan qashý amaldaryn uıymdastyrǵannan keıin óltirilgen. Ol týraly 20 mamyrda eldiń Ádilet mınıstrligi habarlady dep jazady Qamshy.kz aqparat agenttigi. 

Oqıǵa keshe saǵat 20:30-da (Elorda ýaqytymen 21:30) №2/3 qatań jazalaý kolonıasynda bolǵan. Túrmede barlyǵy 1500 tutqyn bar. 

"Islam memleketteri" tobyna múshe 30 tutqynnan quralǵan top, pyshaq jáne basqa da sýyq qarýlar paıdalanyp  túrmeniń úsh qyzmetkerin óltirip, qashyp ketpek bolǵan. 

"Qaqtyǵys kezinde 3 túrme qyzmetkeri jáne 29 tutqyn qaza tapty. Qaza tapqandar ishindegi 8 adamdy qashýdy uıymdastyrǵan tutqyndar ózderi óltirgen", - dep habarlady Tájikstan Ádilet mınıstrliginiń orynbasary Mansýrdjon Ýmarov. 

Qazirgi tańda jaǵdaı qalypqa keltirilip, kolonıa ákimshiliginiń basty baqylaýyna alyndy.

Usynǵan: Marjan Sábet