Ýkraınanyń jańa prezıdenti Vladımır Zelenskııdi ulyqtaý rásimine 60 memleket shaqyrylǵan. Onyń arasynda Qazaqstan joq dep habarlaıdy Qamshy.kz aqparat agenttigi tengrinews.kz saıtyna silteme jasap.

Bul týraly MID baspasóz hatshysy Ekaterına Zelenko óziniń Twitter paraqshasynda jazdy. "Ulyqtaý rásimine bes eldiń: Latvıa, Lıtva, Estonıa, Grýzıa, Vengrıa prezıdentin; Túrkıanyń vıse prezıdentin, Moldovanyń premer-mınıstrin; Ázerbaıjan parlament basshysyn;  tórt eldiń: Belarýsıa, Rýmynıa, Slovakıa, Bolgarıa vıse-premerlerin; tórt eldiń: AQSH-tan - energetıka mınıstri, Kanadadan  - qorǵanys mınıstri, Fransıadan - Eýropa saýaldary boıynsha mınıstrdi, Polshadan - MID basshysyn kútemiz. Oǵan qosa, ózge de 40 joǵary mártebeliler bar", - dep jazdy 18 mamyr kúni.

Ýkraınanyń "Strana" portalynda Vladımır Pýtın Kıevten shaqyrtý almaǵan dep jazylǵan. "Reseı Federasıasy ulyqtaý rásimine shaqyrylmady. Biz Ýkraınamen tyǵyz seriktestik ornatyp, belsendi qarym-qatynas jasaıtyn memleketterdi ǵana shaqyrdyq. Olar bizdiń seriktes ári dosymyz", - degen Zelenkonyń sózin basa aıtty. Belarýsıadan ókil kele me, ol jaǵy áli belgisiz. Shaqyrylǵandar ishinde Qazaqstan ókilderiniń de esimi atalmaǵan. 

"Ýkraınskaıa pravdadaǵy" derekkózge sensek, resmı ulyqtaý rásimine Vıktor Ianýkovıchten basqa Ýkraınanyń burynǵy barlyq prezıdentteri shaqyrylǵan. 

Eske sala ketsek, búgin tańda Kıevte Vladımır Zelenskııdi ulyqtaý rásimi ótedi dep habarlanǵan bolatyn.

Usynǵan: Maqpal Sembaı