Búgin 20-mamyr kúni Kıevte prezıdent Vladımır Zelenskıı óziniń ulyqtaý rásiminen keıingi sózinde Joǵary Radany taratý týraly buıryq berdi dep habarlaıdy Qamshy.kz aqparat agenttigi.

Sonymen qatar, jańa saılanǵan prezıdent depýtattyq derbestikti joıý týraly, zańsyz aqsha jymqyrý týraly zańdy qabyldaý úshin Radaǵa eki aı berdi. Oǵan qosa Zelenskıı Qaýipsizdik qyzmetiniń basshysy, Ýkraınanyń Bas prokýrory, Qorǵanys mınıstrin jumystan bosatýdy tapsyrdy.

“Eshqandaı kabınette meniń sýretim ilinbeýi kerek. Prezıdent – tabynatyn ıkona emes, prezıdent portret emes! Elimizde beıitbitshilik ornaǵanda, men óz ornymnan ketemin. Soǵysty bastaǵan biz emes, biraq ta ony aıaqtaý – paryzymyz,” – dedi jańadan saılanǵan prezıdent.

Joǵary Radanyń aldynda Vladımır Zelenskıı  el kóńilinen shyǵatyn jalyndy sózder aıtty.

–Bizdiń árqaısysymyz – Prezıdent.

–Jer júzindegi ýkraındyqtardy elge shaqyryp, barlyǵyna azamattyq beremin.

–Úkimet bizdiń problemany sheshpeıdi. Úkimettiń ózi – bizdiń problemamyz!

–Aldaǵy bes jylda Ýkraına halqy jylamas úshin barlyq nárseni isteımin.

Esterińizge sala keteıik, 41 jastaǵy shoýmen Vladımır Zelenskıı Ýkraınadaǵy prezıdenttik saılaýdyń ekinshi aınalymynda eldiń qazirgi prezıdenti Petr Poroshenkony 73 paıyz daýys jınap jeńgen.

Oqı otyryńyz: Zelenskııge aıqaılaǵan Láshko prezıdentten ózi sóz estidi

Daıyndaǵan: Ildar Adılchenov