Qazaqstan Respýblıkasy Ulttyq qaýipsizdik komıtetiniń burynǵy basshysy Álnur Musaev 25 jylǵa syrttaı sottaldy dep jazady Qamshy.kz aqparat agenttigi.

Álnur Musaevqa “bılikti kúshpen tartyp alý” aıyby taǵylyp, syrttaı 25 jyl qatań rejımdi kolonıaǵa sottaldy.

Ol óziniń Facebook paraqshasynda Qazaqstan Respýblıkasynyń prezıdenttigine úmitker Ámirjan Qosanovty "UQK-men birge jumys isteıdi" dep aqparat taratqany belgili.

Esterińizge sala keteıik, 2015 jyly Avstrıaǵa qashqan Álnur Musaev pen UQK qyzmetkeri Vadım Koshlák ekeýi 2007 jyly “Nurbanktyń” eki top-menedjeri Joldas Temirálıev pen Aıbar Hasenovty óltirdi dep aıyptalǵan. Bir jyl boıy ızolátorda otyryp, Rahat Álıevpen birge sot aldynda jaýap bergen. Avstrıalyq sot Vadım Koshlák pen Álnur Musaevty “top-menedjerler ólimi” boıynsha aqtap, sot zalynan bosatqany belgili. Al Rahat Álıev basty kúdikti retinde ızolátorda qaldy. 2015 jyldyń 24-aqpan kúni ol tergeý ızolátorynda óli kúıinde tabylǵany belgili.

Daıyndaǵan: Ildar Adılchenov