Osy kúzde qazaqstandyq aralas jekpe-jek sheberi Qýat "Naıman" Hamıtov pen ázirbaıjandyq Narıman Abbasov arasynda revansh ótýi múmkin. Bul týraly Qýat Hamıtov Vesti.kz saıtyna aıtqan dep jazady Qamshy.kz aqparat agenttigi.  

Qýat Hamıtov qarymta jekpe-jektiń ótetin orny men kúni týraly da málimdegen.

"Qazirgi kezde Abbasovpen kelissóz júrgizip jatyrmyz. Men shaıqastyń kúnin belgileýdi kútemin. Qarymta jekpe-jekti qyrkúıek aıynda Ázirbaıjan astanasy Baký qalasynda ótkizemiz dep oılaımyn. Sol kezde ádildikti qalpyna keltiremin", - dep aıtqan Hamıtov Vesti.kz saıtyna bergen suhbatynda.

Esterińizde bolsa, 27 sáýirde Máskeý mańyndaǵy Mytıshı qalasynda reseılik Fight Nights Global promoýterlik kompanıasynyń belbeýi úshin ótken básekede Hamıtov Narıman Abbasovtan tóreshilerdiń  sheshimimen jeńilgen. Ol jekpe-jek sheshiminiń ádiletsiz bolǵanyn aıtyp, apelásıalyq shaǵym da túsirdi. Biraq tóreshiler sheshimi ózgergen joq.

(Vıdeoda Qýat Hamıtov pen Narıman Abbasov arasyndaǵy alǵashqy jekpe-jek)

Aıta keteıik, sol jekpe-jekte 31 jastaǵy Qýat Hamıtov sporttyq karerasynda jetinshi ret jeńilgen. Odan bólek ol sporttyq mansabynda 19 ret jeńiske jetip, bir ret teń túsken. 

Usynǵan: Mıat Káshibaı