Qaraǵandy oblysy Jańaarqa aýdanynyń turǵyny Ǵaly Baqtybaevty atyp ketti dep habarlaıdy Qamshy.kz aqparat agenttigi. 

Bul týraly qaraǵandylyq belsendi Aısultan Jaqypov Facebook paraqshasynda jazdy. Onyń aıtýynsha, Ǵaly Ádiluly Baqtybaev jemqorlyqpen kúresip júrgen belsendi azamat. Sońǵy ýaqytta ol  9 maýsymda ótetin kezekten tys prezıdent saılaýyna "Ult taǵdyry" qozǵalysy usynǵan kandıdat Ámirjan Qosanovty qoldap, belsendi jumys jasaǵan. 

"Jańaarqada Ǵaly degen kisi bar edi. Jemqorlyqpen kúresetin, sotqa deıin baratyn adamtyn. Qosanov aǵamyzdyń jarnamalaryn ilip, jaqsy jumys istep júrgen. Sol kisini túnde atyp ketipti(( Jemqorlar tyqyr taıanǵanyn sezine bastady ma? Marqumnyń tolyq aty-jóni Baqtybaev Ǵaly Ádiuly. Imandy bolyńyz Ǵaly aǵa! Qanyńyz bosqa tógilmeıdi. Ýáde berem!", – dep jazǵan Aısultan Jaqypov Ǵaly Baqtybaetyń ólimine alda kele jatqan saılaýdaǵy ustanymynyń qatysy joq ekenin aıtty.

Atalǵan oqıǵaǵa baılanysty Qaraǵandy oblysytyq polısıa departamentiniń baspasóz qyzmeti resmı málimdeme jasady.

"Aǵymdaǵy jyldyń 28 mamyrynda Qaraǵandy oblysy Jańaarqa aýdanynyń Atasý kentinde oq jaraqattarymen 59-jastaǵy kent turǵynynyń máıiti tabyldy. Atalǵan faktige baılanysty Qylmystyq Kodekstiń 99 baby 1 tarmaǵy «Adam óltirý» sáıkes qylmystyq is qozǵaldy. Qylmysty ashý, kúdikti azamattardy ustaý maqsatynda departamenttiń jáne Jańaarqa aýdandyq polısıa bóliminiń tájirıbeli qyzmetkerlerinen jedel tergeý toby jasaqtalyp, qylmystyń izin kesý boıynsha keshendi is-sharalar atqarylýda. Tergeý barysy oblystyq polısıa jáne prokýratýra basshylyǵynyń baqylaýynda. Ózge aqparattar QR QPK-niń 201 babyna sáıkes jarıalanbaıdy", – delingen baspasóz qyzmetiniń habarlamasynda.

Usynǵan: Mıat Káshibaı