Tarazda kóp qabatty úı órtendi dep habarlaıdy Qamshy.kz aqparat agenttigi 
24.kz telearnasynyń saıtyna silteme jasap.

120 páterden turatyn úıdiń shatyrynan shyqqan ot aýyzdyqtalǵanmen, órtti tym  uzaq ýaqyt sóndirýge týra kelgen. Zardap shekkender joq. Turǵyndar dereý evakýasıalandy.

Oqıǵa oryny oqshaýlanyp, órt sóndirý qyzmetiniń mamandary arnaıy tehnıkamen jumys istedi. 

Aqparatqa sáıkes, saǵat 19:30-da Taraz qalasy «Qarasý 5» shaǵyn aýdanyndaǵy  №18 úıdiń shatyrynda órt shyqqan.

TJD órt sóndirý jáne avarıalyq qutqarý jumystary qyzmetine 19:34-te qońyraý kelip tústi. Órtti sóndirýge 14 tehnıka, 62 órt sóndirý qyzmetiniń mamany jumyldyryldy. 171 adam qaýipsiz jerge kóshirildi, onyń 42-i bala.

Keshki saǵat 20:50-de órttiń ózge aımaqtarǵa qaýip tóndirýi toqtatylyp, saǵat 22:11 sóndirildi.

Aımaq basshylarynyń aıtýynsha, endi arnaıy komısıa qurylyp tolyq zertteý jumystaryn júrgizedi.

Bul úı 2014 jyly jańǵyrtý baǵdarlamasy boıynsha jóndeýden ótken eken.

Usynǵan: Maqpal Sembaı