Qyzylordadaǵy janarmaı quıý beketiniń aýmaǵynda gaz-aýa qospasy jaryldy dep habarlaıdy Qamshy.kz aqparat agenttigi. Bul týraly brıfıń barysynda TJ jónindegi komıtet tóraǵasy Vladımır Bekker málimdedi.

""Qyzylorda-gaz" JSHS-iniń avtogaz quıý beketiniń aýmaǵynda avtobýsqa gaz quıý kezinde gaz jarylysy boldy. Órt tarap ketken joq. Biraq 2004 jyly týylǵan Amanuly qoly men betiniń kúıigimen aýrýhanaǵa jetkizildi. Ol gaz quıý beketiniń klıenti, gaz balonyn toltyrý úshin kezegin kútip turǵan", - dedi Bekker.

Komıtet tóraǵasynyń aıtýynsha, avtogaz quıý beketterinde turmystyq gaz balondardy toltyrýǵa tyıym salynady.

"Turmystyq gaz balondaryn avtogaz quıatyn beketterde toltyrýǵa tyıym salynǵan. Atalǵan gaz beketinde paıdalaný erejeleri jıi buzylǵan bolýy múmkin, sonyń saldarynan osyndaı oqıǵa oryn alyp otyr. Qazir avtokólikte gaz qoldaný keńinen taralyp keledi, soǵan baılanysty stasıonarlyq stansıalar ornatý boıynsha, gazben júretin kólikterdiń jabdyqtalýy boıynsha da túıtkilder bar," - dedi Vladımır Bekker.