"Qamshy.kz" portalynyń hat qorjynyna QR Eńbek jáne halyqty áleýmettik qorǵaý mınıstrligi Kóshi-qon komıtetinen tómendegideı hat kelip tústi.  Elbasy Nursultan Nazarbaevtyń "Uly kóshiniń" tizginin ustap otyrǵan mekemeniń ótinishin jerde qaldyrmadyq. Qulaǵdar bolyńyz, aǵaıyn! 

Alys-jaqyn sheteldermen mádenı barys-kelisti nyǵaıtý jáne jedeldetý maqsatyna Juńgoda turatyn qazaq zıly qaýym ókilderiniń málimetterin bilgimiz keledi.

Soǵan baılanysty, bizge jańa Juńgo qurylǵannan beri ósip jetilgen, qazir kózi tiri qazaq zıalylarynyń kitap bolyp shyqqan eńbekteri, alǵan ataqtary jáne syılyqtary tolyq qamtylǵan qysqasha jazylǵan ómirbaıandary kerek.

Zıaly qaýym ókilderi degen bul topqa ólke dárejeliden joǵary marapat alǵan, ákimshilik qyzmette aımaq ýálıliginen joǵary mindet ótegen, Shyńjańnyń barlyq óńirinde, ár salada eńbek sińirgen qoǵam, memleket qaıratkerleri, aqyn-jazýshylar, kórkemónershiler, ǵylym-tehnıka, densaýlyq saqataý, aýyl-mal sharýashylyǵy isiniń úzdikteri men maıtalmandary kiretinin eskertemiz.

Ómirbaıan kompúterlik úsh bet kóleminde, kırıll árpimen uqypty jazylsyn. Sonymen birge ómirbaıan ıesi bir dana sapaly sýretin qosyp jiberýi kerek.

Sizderdiń osy ótinishke kómektesýlerińizdi suraımyz.