Kún ótken saıyn Qurannyń qupıalary ashylýda. Onyń ár aıatynyń teginnen tegin túspegenine ǵalymdardyń kózi jetip, ashqan jańalyqtaryn halyqqa qýana habarlaýda.
Sondaı ǵalymdardyń biri, astronavtıka, kosmos ǵylymdarymen aınalysatyn profesor óziniń ǵylymı eńbeginde ǵaryshqa alǵash jol salǵan ushqysh jóninde áńgimeleıdi: «Qudaıǵa senbeıtin komýnıs Iýrıı Gagarın ǵaryshqa ushyp, ılúmınator arqyly Jerdi alystan kórgende: «Men ne kórip turmyn? Bul tús emes pe? Álde meniń kózim baılandy ma?» degen bolatyn. Bul 1961 jyl. Al myń jyl buryn jazylǵan Qurannyń “Hıjr” súresinde bylaı delinedi: “Bul halyq buryn sense de, keıin Qudaıǵa senbedi”. 1961 jyly komýnıser de, osy kosmonavtıka aınalysynda júrgen mamandar da senimnen alysta bolatyn. Biraq revolúsıaǵa deıin olar da Qudaıǵa senetin edi ǵoı ári shirkeýleri bar bolatyn. Quran aıatynyń dáldigin kórmeısiz be?! Iaǵnı, osydan 1400 jyl buryn adamzattan ǵaryshqa alǵash kim ushatyny belgili bolǵan boldy ǵoı! Ary qaraı aıattarǵa úńilip kóreıik: “Biz olarǵa aspan esikterin ashýǵa múmkindik bergende, olar oǵan kóteriledi. Sosyn “Men ne kórip turmyn? Bul tús emes pe? Álde meniń kózim baılandy ma?” deıdi. Gagarınniń aıtar sózin Quranda keltirgen Alla Taǵala bul oqıǵanyń qashan, qaı jerde bolatynyn, kimniń ne aıtatynyn da sózsiz jaqsy bilgen.
Qudiretti kórmeısizder me?! Ǵalymdar ǵaryshqa bastar esikti aspannan qanshama jyldar boıy izdep, áreń degende Baıqońyrdan tapty. Bir qaraǵanda ap-ashyq kóringen aspanda da joldar bar, ǵaryshqa bastar qaqpa bar ekeni, ony Allanyń óz aıatynda “kókten bir esik ashsaq...” dep berýi qandaı ǵajap! Bul Qurannyń birer aıatynyń ǵalymdardyń tolassyz eńbeginiń arqasynda málim bolǵan syry ǵana. Al astaryna qupıa búkken aıattar qanshama...
Marfýǵa Shapıan
