Eýropa qazaqtary prezıdent Qasym-Jomart Toqaevqa ashyq hat joldady dep habarlaıdy Qamshy.kz aqparat agenttigi. "Evropadaǵy Qazaq qaýymynyń atynan Qazaq Prezıdentine ashyq hat" dep bastalatyn hat Serik Tursyn esimdi Facebook qoldanýshysynyń paraqshasynda jarıalandy.
Hat mátini áleýmettik jelide 14-maýsym kúni jarıalanǵanymen, hatty avtorlar Qazaqstannyń Eýropa elderindegi elshilikterine 18-maýsymnan bastap jibere bastapty.
"Qurmetti Toqaev myrza, Evropa elderinde turyp jatqan qazaq qaýymy Sizdi Qazaq Eliniń Prezıdenti bolyp saılanǵanyńyzben shyn júrekten quttyqtaı otyryp, alysta júregen 5 mln. qazaqtyń janyna batyp jatqan keshegi Elimizdegi ýaqıǵaǵa kóńil aýdarýyńyzdy talap etkimiz keledi.
Siz 15 jyldan asa BUU-da qyzmet atqardyńyz, búkil dúnıe júzinde bostandyq, demokratıa, adam balasynyń quqyǵyn saqtaý, adam balasynyń oıyn tyńdaý degen uǵymdar Siz úshin bos sóz emes ekenin bilemiz.
Munyń arty jaqsylyqqa ákelip soqpaıdy, qantógisti eshkim qoldamaıdy, biraq halyqtyń tóziminiń de shegi bar, ony búgin túsingen jón, erteń kesh bolady.
Shette júrgen 5 mln. qazaq birinshi qazaq halqymen birge, sodan keıin Sizben birge. Osy tyǵyryqtan shyǵý jolynda biz qol úshin sozyp, kómek kórsetýge daıynbyz", - delingen ashyq hatta.
♦Oqı otyryńyz:
Bilál Qýanysh. Qasym-Jomart Toqaevqa hat! Bosaǵa myqty bolsyn desek...
Pikir qaldyrý