QR İshki ister mınıstri Erjan Turǵymbaev mınıstrlikke qarasty qyzmetkerler men qoldanylatyn qarajatty únemdeý nátıjesinde polısıa qyzmetkerleriniń jalaqysyn ósiretini týraly aıtty dep jazady Qamshy.kz aqparat agenttigi.

"Únemdelgen qarajat esebinen patrúldik polısıa qyzmetkerleriniń jalaqysy ústimizdegi jyldyń 1-shildesinen bastap 65 paıyzǵa, jedel áreket etý tobynyń qyzmetkerler men tergeýshilerdiń tabysy 55 paıyzǵa, ýchaskelik polısıa men JOO ustazdarynyń jalaqysyn 25, basqa qyzmetkerlerdiń aılyǵyn 20 paıyzǵa ósirý josparlanyp otyr", - dedi Turǵymbaev ótken jumadaǵy esep berý kezdesýinde.

Onyń aıtýynsha, turǵyn úı alýǵa ótinish beretin tártip saqshylarynyń da sany artpaq. Sondaı-aq, shendi mınıstr 2019-2021 jyldarǵa arnalǵan ishki ister organynyń jol kartasy júzege asý ústinde ekenin jetkizdi.

Eske sala keteıik, 2018 jyldyń 14-qyrkúıeginde sol ýaqyttaǵy İshki ister mınıstri Qalmuhanbet Qasymov mınıstrlikke qarasty qyzmetkerlerdiń sanyn 10 paıyzǵa deıin qysqartý týraly aıtqan bolatyn.