"Jas Otannyń" basshysy Dáýlet Káribek ótkende Almatyda Nazarbaevqa eskertkish qoıýdy usynǵan qolastyndaǵy jigitti qorǵashtap sýrettegideı post jazypty.

Dáke, Qudaıǵa shúkir, biz de elimizdiń damýyna úles qosýdan kende emespiz, myńdaǵan azamatymyz sıaqty qý tirshilik pen jan baǵý jaǵdaıynda júrsek te, memleketten bir tıyn járdem kórmeı, qoldan kelgenshe elimizge eńbegimizdi sińirýge tyrysyp baǵýdamyz. Sondyqtan, "biz óıtip jatyrmyz, búıtip jatyrmyz" dep jasaǵan isterińizdi mindetsinýdiń qajeti joq dep oılaımyn. Eldiń qamyn tek sizder ǵana oılap júrgen joqsyzdar.

Endi ózińiz máseleni kótergen ekensiz, aıtpasa sózdiń atasy óledi demekshi, biz de sizge 4 suraǵymyzdy joldaıyq, solarǵa jaýap berińizshi:
⠀
1) qolastyńyzdaǵy jigit barlyq jastardyń emes, óz aınalasyndaǵy, qasyndaǵy jastardyń ǵana usynysyn jetkizdi deısiz. Olaı bolsa ol nege: "Biz barsha qazaqstandyq jastardyń emes, óz aınalamdaǵy, qasymda júrgen jastardyń atynan eskertkish ornatýdy usynamyn" dep aıtpady? Umytyp qalsańyz ne estimeseńiz, Mádıdiń BAQ-ta jarıalanǵan sózin keltireıin: "Biz jastardyń atynan Almatydaǵy Nazarbaev dańǵylynda elimizdiń negizin qalap, ony damytýǵa baǵa jetpes úles qosqanyńyz úshin sizdiń eskertkishińizdi ornatý týraly usynysymdy qabyldaýyńyzdy suraımyz".
⠀
2) Qolastyńyzdaǵy jigittiń sózin jaǵympazdyq emes deısiz. Almatyda bir emes, eki jerde tuńǵysh prezıdenttiń músini tur. Jaǵympazdyq demegenniń ózinde, bir qalada bir kisige úshinshi músinniń qoıylǵanyn durys sanaısyz ba? Adamǵa tiri kezinde eskertkishtiń qoıylýyna kózqarasyńyz qandaı?

3) Qolastyńyzdaǵy jigit tuńǵysh prezıdentti "elimizdiń negizin" qalaýshy dep otyr. San ǵasyrlyq tarıhymyz, Kereı men Jánibek sıaqty eldigimizdiń irgetasyn qalap ketken tulǵalarymyz barda osylaı sóıleý biz úshin geosaıası táýekeldi arttyryp, elimizge kesirin tıgizýi múmkin dep oılamaısyz ba? Álde "Jas Otan" elimizdiń tarıhy tek sońǵy 30 jylmen shekteledi dep sanaı ma?

4) Halyqty aqymaq kórýdi qashan qoıasyzdar?

 

 

 

 

 

Posmotret etý pýblıkasıý v Instagram

 

 

Sońǵy kezderi áleýmettik jelide tek aıyptaý nemese synaý ǵana úlken «suranysqa» ıe. Qandaı taqyryp, pikirtalas bolsyn tek qur mysaldar men bir jaqty qózqaraspen jazylady. Jaqynda «JasOtandyq Mádı Axmetov Elbasyna arnap eskertkish qoıýdy usyndy» dep áleýmettik platformalar shýlap jatty. Qoldanýshylardyń bir bóligi, Mádı nege barsha jastardyń atynan sóıledi dese, ekinshileri jaǵympazdyqtan jasalǵan usynys dep aıtty. Biz, Elbasy ózi qurǵan 20 jyldyq tarıhy bar, elimizdiń eń úlken «Nur Otan» partıasynyń jastar qanatymyz. Óz bilimimiz ben kúshimizdi, bolashaqta el tizginin bekem ustaıtyn, elimizdiń myzǵymastyǵyn nyǵaıtatyn, kók baıraǵymyzdy kókke kóteretin, júregi «elim, jerim» dep soǵatyn ult jandy jastardy tárbıeleımiz. Árbir Jasotandyq kúndelikti isimen bilim, ǵylym, mádenıet, sport salasynda elimizdiń qaryshtap damýyna súbegeli úlesin qosýda. Árbireýi tek sózben ǵana emes, ispen álde qaıda dáleldep,jasap jatyr. Mádıge keletin bolsaq, Birinshiden, Mádı barsha qazaqstandyq jastardyń emes, óz aınalasyndaǵy, qasynda júrgen jastardyń usynysyn jetkizdi. Ekinshiden, bul usynys jaǵympazdyq emes, bul Elbasynyń Qazaqstan úshin arnaǵan ómiri men sińirgen eńbeginiń kórinis ári berilgen madaǵy, muny ár qazaqstandyq jaqsy biledi ári baǵalaıdy dep oılaımyn. #jasotan #jańaálemgejolsalamyz

Pýblıkasıa ot Daulet Karibek (@daulet_karibek) 22 Iýn 2019 v 8:09 PDT