Qaznette Arystaǵy tótenshe jaǵdaılardyń aldyn alýǵa qatysyp, kúni boıy sharshaǵan órt sóndirýshilerdiń sýreti paıda boldy dep habarlaıdy Qamshy.kz aqparat agenttigi.

Ol týraly Túrkistan oblysy ákiminiń keńesshisi Sáken Qalqamanov feısbýk áleýmettik jelisinde jazdy.

Arys qalasyndaǵy jarylys kezinde oqıǵa ornyna 400-ge jýyq órt sóndirýshi kelgen. Olar kúni boıy óte qıyn jaǵdaıda jumys istedi.
⠀
"Órt sóndirýshilerdiń aldynda basymdy ıemin. Olar kúni boıy Arysta órt sóndirip, qıraǵan úıindilerdi qalpyna keltirip, turǵyndardy evakýasıalady. Túnde uıyqtaý úshin olarǵa qaýipsiz aımaqtan oryn daıyndaldy. Al olar shtabta, sportzaldyń edeninde uıyqtap qaldy. Tańǵa jýyq áskerı bólimsheniń aýmaǵynan basqa barlyq jerdegi órt aýyzdyqtaldy. Naǵyz batyrlar. Oqıǵa ornynda 400-ge jýyq órt sóndirýshi boldy", - dep jazdy Sáken Qalqamanov.