Prezıdent Qasym-Jomart Toqaev aýyr ómirlik jaǵdaıǵa qalǵan otbasylardyń kredıtin keshirýdi tapsyrdy, - dep habarlaıdy Qamshy.kz aqparat agenttigi.
⠀
Bul týraly Aqorda saıtynda jarıalandy.
⠀
"Úkimet bir jolǵy tártippen ekinshi deńgeıdegi bankter men mıkroqarjy uıymdarynda kepilzatsyz tutynýshylyq qaryzdar boıynsha bereshekti kelesi talaptarda óteý jóninde sharalar qabyldasyn:
⠀
1) kóp balaly otbasylar, asyraýshysynan aırylý jaǵdaıy boıynsha tólem alatyn otbasylar, múgedek balalary bar otbasylar, 18 jastan asqan bala jasynan múgedekter, memlekettik ataýly áleýmettik kómek alýshylar; kámeletke tolǵanǵa deıin ata-analarynan aıyrylǵan jıyrma toǵyz jasqa tolmaǵan jetim balalar, ata-anasynyń qamqorlyǵynsyz qalǵan balalar atalǵan qaryzdar boıynsha boryshkerler bolyp tabylady.;
⠀
2) 2019 jylǵy 1 maýsymdaǵy jaǵdaı boıynsha qaryz boıynsha jalpy bereshek 3 000 000 (úsh mıllıon) teńgeden aspaıdy;
⠀
3) 2019 jylǵy 1 maýsymdaǵy jaǵdaı boıynsha negizgi borysh pen ol boıynsha eseptelgen syıaqydan turatyn óteletin bereshektiń mólsheri bir qaryz alýshyǵa 300 000 (úsh júz myń) teńgeden aspaıdy", - delingen qaýlyda.
⠀
Prezıdent Úkimetke jáne Ulttyq Bankke tapsyrma berdi:
⠀
1) 2019 jylǵy 1 shildedegi jaǵdaı boıynsha bankterde jáne mıkroqarjy uıymdarynda kepilsiz tutynýshylyq qaryzdary bar Qazaqstan azamattaryna eseptelgen aıyppuldar men ósimderdi esepten shyǵarý jóninde sharalar qabyldasyn;
⠀
2) Nur-sultan, Almaty, Shymkent jáne oblystardyń ákimderimen birlesip, osy Jarlyqty iske asyrý jóninde ózge de sharalar qabyldasyn.
⠀
3) Ulttyq bank qarjy uıymdarynyń jaýapkershiligin kúsheıtý jónindegi retteýshilik sıpattaǵy sharalar keshenin qabyldasyn.:
1. 90 kúnnen astam merzimi ótken bereshegi bar jeke tulǵalardyń barlyq kepilsiz tutynýshylyq qaryzdary boıynsha kredıt berýge jáne oǵan qyzmet kórsetýge baılanysty turaqsyzdyq aıybyn, komısıalardy jáne ózge de tólemderdi esepteýge tyıym salý;
2. tabysy eń tómengi kúnkóris deńgeıinen tómen azamattarǵa qaryz berýge tyıym salý;
3. kepilsiz tutynýshylyq zaemdardy berý kezindegi qosymsha retteý sharalary.
⠀
Jarlyqtyń oryndalýyn baqylaý Prezıdent Ákimshiligine júktelgen. Jarlyq qol qoıylǵan kúninen bastap qoldanysqa engiziledi.