QR Qorǵanys mınıstriniń orynbasary Tımýr Dándibaev Arystaǵy jarylystan keıin aýada qalqyǵan «sańyraýqulaq» tıptes bulttyń paıda bolý sebebin túsindirip berdi dep jazady Qamshy.kz aqparat agenttigi.

"Bul jarylystan keıin ádettegi tútin. Mundaı bult qalýy úshin mindetti túrde ıadrolyq jarylys bolýy qajet emes. Onyń sańyraýqulaqqa uqsaıtyny ras. Óıtkeni, jarylys oryn alǵan jerde úlken dárilik kúsh boldy. Qazirgi ýaqytta arnaıy komısıa qurylyp, jarylystyń saldaryn anyqtaý ústinde. Resmı qorytyndy shyqqan soń bul suraqtarǵa jaýap beremiz", - dedi Tımýr Dándibaev.

Mınıstrdiń orynbasarynyń aıtýynsha, jarylys oryn alǵan áskerı qoımada eshqandaı ıadrolyq qarýlar bolmaǵan.

"Ol jerdegi jarylǵan qarýlar eshqandaı ıadrolyq qurylǵylar bolmaǵan. Bul jarylystyń saldary qala turǵyndaryna esh keri áser etpeıdi", - dep túıdi sózin mınıstrdiń orynbasary.