26 maýsym kúni Tashkent qalalyq soty Ózbekstannyń burynǵy bas prokýrory Rashıd Qadyrovty 10 jylǵa sottady dep jazady Qamshy.kz aqparat agenttigi Azattyqqa cilteme jasap.

Azattyqtyń jazýynsha, sot prokýrordy "para aldy, bopsalady, qarjylyq alaıaqtyq jasady, salyq tóleýden jaltardy, ádil sotqa kedergi keltirdi" dep aıyptaǵan.

Qadyrovpen birge taǵy 12 adamǵa da úkim oqyldy. Olar ár túrli merzimge sottaldy. Aralarynda eń uzaq merzim - 19 jylǵa qamalǵany da bar.

Qadyrov byltyr aqpan aıynda ustalǵan. Al sot otyrysy bıyl qańtarda bastalǵan.

Ózbekstannyń bas prokýratýrasyn 15 jyl boıy basqarǵan, burynǵy prezıdent “Islam Karımov gvardıasyndaǵy” sheneýnikterdiń biri retinde atalatyn Rashıd Qadyrovty qazirgi prezıdent Shavkat Mırzıaev bılikke kelgen soń birneshe ret ashyq synaǵan. Mırzıaev 2017 jyly tamyzda prokýratýra qyzmetkerlerin "urylar" dep ataǵan.